انا متزوجه من 3شهور وياليتني ماتزوجت المهم اول ماتزوجت سافرنا واستانسنا وحسيته حبوب يحبني ويدلعني وكل شي تمينا اسبوع فماليزيا بس بعد ما ردينا من السفر بديت اكتشف فيه اشياء يديده انصدمت احسه مايسولف معاي واحسه كله مشغول مرات اقول فنفسي ليش هو تزوجني واحس فيه عزة نفس لو ضايقني بكلامه مايعبرني ولا يعتذر بالعكس انا اللي اعتذر منه واااااايد تحملت تصرفاته احسه كله برع دوام وجامعه عقب يروح يلعب كره وكله عند ربعه وانا ولا كني زوجته ويوم يرجع البيت كله ع البلاك بيري وعقب يرقد مليت من هالشيء دووم جي ويوم اقول له طلعني بالمذله يطلعني واحسه عصبي غييييير دوووم اكتم ويوم يضارب وياي اسكت والله تعبت ما احس نفسي زوجه المهم اللي ذابحني انه انا وهو تزاعلنا لدرجة ان وصلنا للطلاق وسالفه كبيره انا رديت فبيت اهلي خلاص كرهت روتين حياتي اصلا انا ما كنت مرتاحه معاه ما احسه زوجي احسه جنه واحد غريب المهم من طلعت من بيته ما اتصل ولا سال ولا ياك بيتنا ول عبرني من شهرين انا منصدمه منه مستغربه هو ليش تزوجني يوم انه مو قد الزواج تغير 180 درجه ف الملجه غيييير انا ريلي احسه اناني مايحب الا نفسه خلاص كرهته ومابي ارجع له بس يمكن تستغربون لو قلت لكم اني احبه رغم كل ها دوووم ادعي ربي يهديه بس حاسه انه مستحيل يتغير طبعه صعب جدا حاولت ارضيه بكب الطرق بس ما قدرت واهلي كلهم ينصحوني بالطلاق وانا موافقه لانه مو قد الزواج بس حسافه على عمري اللي ضاع دووووووووم ابكي دم ياربي ليش هو جيه انا شو سويت له ؟ اتمنى يا بنات تنصحوني شو اسوي كل وحده تحط نفسها فمكاني وتجاوب ؟ وعلى فكره انا اختضرت الموضوع على قد ما اقدر في وااااايد اشياء انا متحملتنها منه دخيلكم انصحوني محتاجه منكم نصايح ؟؟ اطلب الطلاق ولا ارجع له ولا شو ؟ انا ابي اطلب الطلاق وبس
في النهاية لا تزعلين من كلامي حبيبتي والله يهدي سركم وطمنينا عليج
لا تستعيلين استخيري وفكري عدل مب على طول طلاق عطيه فرصه
انشا الله البنات يفيدونج
حبيبتي مب كل ماصادفتج مشكله بتطلبين الطلاق لو كل الحريم سو نفسج كان ولا وحده تمت فبيت ريلها كان كلهم مطلقات صبري ع ريلج وردي بيتكم اصلن غلط تردين بيت اهلج اكببببببببر غلط هو بعده صغير طايش عقله مش فراسه بس صدقيني اول بيبي حقكم بيعقل وبيتودد لج اكثر وبتحصلينه دوووم وياج ويهتم فيج اذكري الله وعن هالافكار الشيطانيه الي تيج وكل ما تفكرين بالطلاق تعوذي من بليس ياخيتي
سخيييف ريلج
توكم في البداية
لازم يكوون بينكم نقاااش – شو السبب ليش جي – انتي مب مريحتنه؟ في شي ضايجه منج؟ ليش ما يراعي احساسج
خلاااص عيل – انتي بعد سوييله طاااف – تعدلي و تكشخي و اطلعي مع ربعج البنات و لا بيتكم و لا زوري الاهل و جوفي ردة فعله كييف
يمكن انتوا ملييتوا من الروتين بس ترا الحياه جي و لو مافي فايدة منه خليه يولي – المشكلة انج بيت اهلج و هو ولا عبر ليش إن شاااء الله – اشتكيتي لامه؟ لابووه؟ خلي خواته يولوون ما عليج منهم لان ممكن يكونن غيرانات و يزيدون الطين بلة
الله يعيينج الغالية – بس لو مافي مجال اتطلقي قبل لا يكوون بينكم يااهل و تزيد المشاكل
ما انصحج بالطلاق اختي شي ما يرزا والله يهديكم
الصراحة ما اعرف شو أقول
أولا ما ذكرتية لا يعتبر مشكلة حقيقية لطلب الطلاق
هل زوجك يضربك ؟؟ يشرب خمر ؟؟ راعي بنات ؟؟ لا يصرف عليك ؟؟؟ مقصر بحقوقك الشرعية ؟؟؟
هذة الأشياء التى تفسد الزواج
أما ما ذكرتية يعتبر أشياء ما بقول موا مهمة بس تحتاج من الحرمة تفهم لطبيعة الزوج وتقريب لوجهات النظر
والتفاهم بهدوء وتطلبي منة التفرغ لك لو يوم بلآسبوع
وأنت لزم تدركي أن الزوجة لها دور داخل البيت وأن الزواج موا حياة وردية وفسح وخروج ووناسة
وتتعرفي على طبيعة زوجك أكثر هل هو من النوع الصامت وتعرفي ما هى المواضيع المشتركة بينكم وتجتهدي
كيف تكسبية بالكلمة الحلوة بالصبر وتقبل أسلوب حياتة
خلي أحد يصلح بينكم والله يجمعكم على المودة والرحمة