السلام عليكم شحالكم خواتي شخباركم
بس حبيت اطرحلكم موضوع عن طالبه عدنا فالسكن واتمنى منكم الحل عشان انساعدها لانها خلاص كل يوم تتدمر زياده
الله يسلمكم هالبنت كانت داشه هي وربيعتها الروح بالروح وكانن ساكنات عندي فالغرفه مشكلتها انها وايد تخرط بشكل مب طبيعي وتوهم نفسها انه صدق وكانت تقولي ان هي مخطوبه وقريب بتعرس وانا كنت مصدقتنها وخبرت ربيعتها قالتلي لاوالله ماخبرتني عن هالسالفه وكل ماكانت ترمس فالفون كانت تقول اكلم خالي وانا عادي مصدقتنها والله ع نياتي المهم سكتنا عنها وبعد فترة وصلنا كلام ان البنت اللي عندكم عندها ولد وبنت وهي مطلقة وانا كنت اقولهم ان والله جذب وهم مب مصدقيني كل بنات السكن يعرفن انها مطلقه وعندها اثنين ومرت الايام ياخواتي وهي وربيعتها اللي داشات مع بعض افترقن والسبب هالسالفه والسالفه تزيد وكل دفعة تكون يديده نفس الكلام يوصلها وينتشر الخبر وبعدها اجتمعنا انا وبنات شقتي وهن طبعا يعرفن كل شي وقلنا بنكلمها وكلمناها وقالت انا والله كنت اتمصخر اونه البنات صدقن وقالت انا خلاص بخبرهن اني كنت اتمصخر ونحن خلاص اقتنعنا بكلامها وخلص الكورس وانتقلت عنا من الشقة اونة بنات شقتي يظهرن عني كلام ووووالخ وكانت ازورنا وقالت خلاص انا ملجت وقريب بعرس ونحن باركنالها وكل ما نسالها عن موعد العرس تقول الشهر الفلاني وايي الشهر وهي بعدها ماعرست المهم سكتنا عنها لان عرفنا ان بعد اجذب وعلى اساس فااجازة نص السنة العرس شرات ماسارت ردت وبدء الكورس الثاني وردت عدنا فالشقة بس حالها اسوء عن قبل بزياده والله خواتي انها ترمس فوق 15 واحد وكلهم تقول هذا ريلها والايميلات اتم اتقول اسمها واسم اهلها كلهم وخواتها وتتبلى على خواتها انهن مطلقات وخواتها بعدهن فالاعدادي وامسات يالسه ع لابها يالسه اطالع شوفيه وفجاءة دشيت سجل محادثاتي والله حصلت بلاوي اتقول حق كل واحد اسمها الصدقي وبالكامل واسم امها وووين ساكنه وين تدرس كل شي وتقولهم ان هي كانت تحب واحد وخسس فيها واهلها عرفو واونه واهلها رايغينها من البيت ودور من شقة لين شقة والمحادثة الثانية تقول هي مطلقة وعندها ولد وتبا تعرس و موهمة الولد انها تحبه وتخليه يتضارب مع اهله عشانها وعشان اهله يوافقو عليها والله الولد عمره 21 سنة وتوه متوظف بس مخبلتنه وقالت له عن اختها انها مطلقة وتبا ريل قالها عمي جان تباه قالت اوك وعلى اساس اختها ترمس العم بس لا هي اللي ترمس العم مب اختها يعني الحين ترمس العم وولد اخوووه وقبل شوي كانت ترمسه فالفون وقالت له ان ولد يرانا يلحقني ومادري شو يبا فيني اونه انت تعرف انا مطلقة ولازم احافظ ع سمعتي وكلام ووووووايد والله بتتعبون الصراحه مانعرف كيف نتعامل معاها حياتها كلها جذب حتى دراستها فصوب وهي فصوب من دشت فاونديشن لين يومكم هذا ماظهرت ونحن خلاص هذا اخر كورس ان شاء الله وبنخلص وهي ولاعالبال وصح كانت شي محادثة تكلم واحد تقوله انا عرست تخيلو خبرته اونه عن كل اللي استوى فليلة الدخله وحياتكم كاتبة بالحرف بالتفصيل كل شي وقالها اوك متى دوري قالتله افا عليك برد البلاد وبيكون دورك والله ان فشله حرام جي مستقبلها ماشي مدمر
قولولي خواتي شوالحل معاها؟؟؟
اتريا ردودكم يمكن ماتفهمون بس ركبو الكلام
ثانكس
استغفرالله الله يهدييها طبووها شو تبوونها كل الي تسويه بيطيح عراسها هي تبغي هالشي لعمرها صدقيني الي تمشي سييده وتخاف ربها الله يوفقها ويحفظها والي تتخربط نهايتها معروفه الكل عقله في راسه ويعرف خلاصه وهي مب بيبي
الله يهديييييييها
و الله احس اني عرفتها هي كانت بتوام و الحين بالسكن اليديد
و اتلاعنا وياها بتوام لعان اليهد من سبه جذبها
اذا مب هي ترا نفس الحال بالضبط
جذوووووووووووووب درجه اولى
الف مره عرست و اطلقت
و ترمس 50 الف واحد
الله يهديها بس
من ستر علي مسلمة سترة الله علية فدنيا ولاخرة
عزيزتي قووليهاا انتي احسن لج دام تحبين لهاا الخير فاتيحيهاا بالموضووع خل تعرف رااسهاا من سااسهاا
وتودر ها الخراابيط ماالتهاا
الله يهديها
هذي مفروض حد يرمسها مثل مرشد اجتماعي ع اساس انها بتخرب على عمرها و الا حد يكتب اسمه و عنوانه لناس ما يعرفهم على الماسنجر
الله يهديها