خواتي الغاليات بغيت اخبركم بقصتي اللي وايد مظايجتني وقلبي دوم مقبوض منها
انا والحمدلله بنت حلوة بكلام الناس وطيبة وخلوقة ومحترمة وملتزمة
الموضوع انه اتقدموا لي وايد شباب بس للحين ما استوى نصيب
دوم من ايني حد اتم اصيح لين ارفض تعبت نفسيا من هالشي
اتيني ظيجة بعكس البنات الي يفرحون لما حد يخطبهم
انا بالعكس اظيج واستهم واصيح وارفض على طول
ماعرف شو الموضوع !!!!!!!!!!!
دعواتكم لي بنات ربي ييسر اموري و يفرج همي
حبيبتي انا شرااااتج
الحين مخطوبه والحمدلله بس افكر ادور لي سبب عسب افسخ الخطوبه بدون سبب
والريال مافيه شي
بس تيني الحالات وألي يصبرني اني يالسه اكبر وتعرفين كلام الناس ما يرحم والنصيب مابي كل يوم
مع اني رافضه 3
صلي استخاره ان ياج احد
والله يوفقج ان شاء الله
نصيحة : اكثري من الاستغفار وقراءة القران ودايما استشيري اللي اكبر منج وعنده خبرة ولا تسرعين في اتخاذ القرار
الله يوفقج يمكن فيج عين او حسد اارقي عمرج الغالية
انا كنت جيه والله لما كنت انخطب بدل ما افرح اعصصصب واكره عمري لين ماعقلت ووافقت على ابو ولدي الله يحفظه ..
اهم شي استخيري وربي يوفقج ..
بسم الله عليج
فديتج تمي استغفري واذكري الله
واستخيري وامشي بالموضوع
والله يوفقج ويفرج همج
