السلام عليكم ورحمة الله وبركاته ..
شحالكن الغاليات عساكن بخير ..
حبيت اعرض لكن مشكلتي اللي متعقدة منها الصراحة مادري ليش ><
مشكلتي اني اخاف من الحريم الكبار ><
يعني فالاعراس كل وحدة بتخاف ع عمرها شي اكيد وانا العين اخافها وايد
وباذن الله عرس خالي بيكون فالصيف ومن عاداتنا مادري اذا عندكم هالشي انه فالعرس خوات وهل المعرس يقربون بالمعازيم ويرحبون فيهم وامايه تقولي بتوقفين وياي تقربين بالحريم وانا اقوللها مستحيييييييل مب سالفة مستحى بس قولن خوف ماعرف كيف اتغلب على هذا الخوف وغير نظرات الحريم لج تحسسج انج مسوية جريمة مادري ليش هالنظرات لي ؟؟؟
ساعدووووووووني
أبصراحه أنا كنت اخاف يوم يشوفوني الحريم الكبار فالعرس ويتمون يطالعون امي وخواتي
أقوللهم يالله ألحين باجر بتي حرمه وبتخطب هههههه من كثر اني ماكنت اريد أعرس 
بس حليلهم فنانين الحريم الكبار ومايخوفون هذاك اول كنت أخاف
حاولي أنج اتقربين ويا أمج وشوفي شو بيطلع وياج بس مب تشردين هههه
لييييش تخافين انا وايد أحبهن ^.^
يمكن لأنج مش متعوده ،،، شلي هالفكره من راسج وعادي وقفي مع امج وجربي بالحرييييم يمكن وحده اتحط عينها عليج واتخطبج ههههههه
فديتك يالغاليه اليوم صار لي موقف أتحمررر وجهي مرررره من الحياء
كنت طالعه لمجمع نسائي وكانت فيه حريم كثير يبيعون منتجاتهم وومن ضمنهم كويتيه كبيره ويا بناتها يجون هنا ويبعون في مكياجات الكويت وبصراحة أعجبتني
بعض مكياجاتهم وقامت هي تمدح فيني عاد أنتي تعرفين الحريم الكبار وتقولي وش اسمك وبخطبك لولدي
ويصير وجهي مثل الطماطه وأخذت أغراضي وطلعت وكان فيني خووووف وحياء من الناس اللي سمعوا الكلام
وبصراحه أنا مو متعوده لأن فوقي أختي وبعدني صغيره يعني ماقد حطيت في بالي شو أعمل إذا صارلي مثل كذا
ومن اليوم قررٌت أتجنب الحريم الكبار ويا فضايحهم….
هههههههههه بالعكس طيبات الحريم الكبار ويحبن المزح واييد
لها الدرجة الخوف من الحسد ؟؟؟
صلي على النبي واذكري المعوذات ما عليج باس ,, واذا خايفة وايد لا تتعدلين والبسي جلابية قديمة واقعدي مع الضيوف ترا ممكن يحسدونج والحذر واجب !!!!!!!!!!!!
اسمحيلي اختي بس مافيه اي مبرر لخوف يعني هالحريم ماشافوا بنات بالدنيا ,, ما عندهم بنات ,,
ما يستاهل الموضوع كل هذا
اتوكلي على الله و بيسير عنج هالخوف
واقري المعوذات