هلا وغلا حبيبات قلبي بنات سيدات الامارات
حبيت اطرح موضوع وهو متعبني نوعاً ما مع عيالي الله يحفظهم
انا بنتي عمرها 4 سنوات
و ولدي سنتين ونص
دووم اقعدهم من نومهم الصبح تغريبا الساعه 9 اذا كان اجازه
اما الايام العاديه اقعد بنتي الساعه 6 للروضه
والمصيبه عندي اهي باليل وقت الي انومهم الساعه 8 اهم ثنيناهم بغرفه وحده ينامون
ويتهربون وما يبون ينامون ويصير لصياح ولصراخ
وما ينامون
الا اذا انا قعدت وياهم با الغرفه وسويت نفسي نايمه معاهم وانا ما ابي اعودهم على هذا الشي ابيهم يعتمدون على نفسهم وينضبطون وينامون بروحهم بغرفتهم من غير عوار راس
وطريقه الثانيه
انه احط لهم التلفزيون على رسوم ويطالعونه لين ما ينامون
الحين خواتي ابي اعرف انتو طريقتكم مع عيالكم كيف تنيمونهم
عشان نفيد ونستفيد
ومشكووورين مقدماً
السلام عليكم
حبوبه
بخبرج عن تجربتي في تنويم عيالي
عندي بنتين 6 و 4 سنوات
و ولد سنتين
الله يحفظهم ويخليهم
من يوم هم صغار سنه ونص تقريبا
أعطيهم المرضعه واخليهم في سريرهم ويشربون لين ماينامون
واحين من بدوا يروحون المدرسه أنوم البنات قبل وأخليهم في سرايرهم وأقولهم خلاص رقاد
وشوي أكون حازمه معاهم
لاني بصراحه في هالوقت ما أحب الملاغه والمصخره
خلاص رقاد يعني رقاد
لانهم يعرفوني يوم اعصب
يحليلهم
يمكن عشان بنات وأحسهم بسرعه يخافون
لكن الولد ا اخر نومه شوي عشان ما يقوملي من فجر الله
وإذا كان صاحي من وقت ومانام طول النهار
لا أنومه وياهم وينام فديته ع طول
الله ايخليلج عيالج يارب
