مرحبا بنات .. عندي سؤال وايد محيرني وهي طريقة تقديم الحلوى العمانيه للضيوف.. مثل ما تعرفون انها وايد سويت وكميه صغيره تكفي كل شخص ويوم نشتريها تكون في صحون كبار يعني دفاشه اذا بنيلس نغرف من الصحن جدام الضيوف.. ف ياليت لو تخبروني بطريقه حلوه وراقيه جي جدام الضيوف .. بس وشكرا ^_^
بتلاقين في محلات الحلوى كاسات صغيره جاهزه لتقديم الحلوى
شوفي عزيزتي
اشتري صحون صغيرة خاصة لتقديم هالسويت
يعني حجمها نفس الصحون يلي تستخدمها ويا بيالة الشاي
مب لازم تغرفين جدام الضيوف
غرفيهااااا. داخل صحون التقديم مع ملاعق صغيرة وحطيها في صينية ووزعي ^^
موفقه
همممم الصراحه ما يا على بالي طريقه تقديم الحلوى
احنا ناخذ الطوس الكبيره و نغرف مثل اول ههههه و مرات نطلب الاكواب الصغيره بو غطا (حجمها قد الفنيال تقريبا)
بس لو هي متماسكه حلو لو بتقطعينها مكعبات و تحطينها في ورق الكب كيك الصغار و فوقها القشه الخشب مثلا ههههههههههه
لا تضحكون الصراحه ما جربت بس و انا اقرا سؤالج فكرت بالهفكره
يلا منو بطبق؟؟
المشاركة الأصلية كتبت بواسطة أمورة 
احنا ناخذ الطوس الكبيره و نغرف مثل اول ههههه و مرات نطلب الاكواب الصغيره بو غطا (حجمها قد الفنيال تقريبا)
بس لو هي متماسكه حلو لو بتقطعينها مكعبات و تحطينها في ورق الكب كيك الصغار و فوقها القشه الخشب مثلا ههههههههههه
لا تضحكون الصراحه ما جربت بس و انا اقرا سؤالج فكرت بالهفكره
يلا منو بطبق؟؟
ههههه حلؤؤؤ و انا ؤياها
مشكورين فديتكم أفدتوني صراحه ^__^