بنات توهجت الحين كانت عندي خدامة تنظف وتغسل ملابسي وكل شي والحين راحت ونا ما عندي خدامة وأنا مو متعودة أرتب الصالة وأنظف وأحط كل شي في مكان ما عندي خبرة مولية كذا تربيت على إنه الخدامة تسوي كل شي وأنا الحين معرسة وفضيحة ما أعرف شسوي
لا وم تعودين عمرج على التنظيف والترتيب ها اهم شيء ولا تتكلين كلا على الشغالات
أنا يوم كنت في بيت أهلي ما شاء الله عندنا بدل الوحده إثنين
بس غرفتي وحمام محد ينظفه غيري إلا يوم عندي إمتحان أو مريضه بس
المشاركة الأصلية كتبت بواسطة حلوة وصادقة 
حياج الله اختي اتفضلي هالرابط ان شاء الله يفيدج ^_^
انا بعد نفسج بس اشوي اشوي اتعوودت
واشوي اشوي ببدع عدل
هلا حياتي … انا صح اني ما تزوجت للحين وشراتج ما عندي خبرة بس احاول اتعلم من الموجودين حوالي.. بنت خالو ماشاءالله عليها توها معرسه شراتج ..
الصبح تنش وياريلها ويوم يروح الدوام تخم الشقه كامل وتغسل الثياب وتنشرهم وتكوي الثياب وتربعهم وتحطهم في الكبت وعقب تدش المطبخ ويوم تخلص تجهز كل شي تسير الحمام تغسله عدل وتسبح وتتلبس وتدخن البيت بالعود او الدخون الغاوي وتتريا وكل شي يكون نظيف والريحه حلوه…
اهم شي ترتبين وقتج .. كل شي له وقت ..
والا الشغل سهل مايباله .. شوي شوي بتتعلمين ..
بالنسبه لغسيل الملابس .. اعزلي الابيض بروحه .. والفواتح بروحهم .. والغوامج بروحهم .. بالنسبه لي افصل كل لون بروحه اضمن ..واذا ما عندج يهال خصصي يومين بالاسبوع تغسلين فيهم الملابس ..
تنظيف الصاله .. تحتاجين فوطه ومنظف زجاج لتنظيف الزجاج .. مسحي كل المكتبه والطاولات والزجاج بمنظف الزجاج
الكنب رتبيه ..
غرفة النوم رتبيها .. ودايما حطي الاغراض فاماكنها المخصصه اول باول عشان ما تصير عفسه ..
والتنظيف والترتيب والغسيل خليه كله قبل لا ريلج يرد من الدوام وطبعا تسبحي وغسلي الحمام مره وحده ولبسي وكشخي قبل لا يوصل …
وان شالله البنات يفيدونج اكثر ..
السلام عليكم أنا ماعندي شغاله
اول ماأنش الصبح أغسل الملابس علشان تنشف
وبعدين أنتي وبكرامه غسيل الحمامات
وبعدين تنظيف الغرف
وفي الأخير الطبخ وتنظيف المطبخ
أنا هذا جدولي والحمدالله أخلص الساعه 2 الظهر