ولد خالي مشكلتي من يوم كنت صغيرة كنت اكرهه وايد فوق ماتتصورون
كنا نلعب ويا بعض وكنت اكرهه وايييييد
بس هو كله كان يكتب في كتبه اسمي مااعرف ليش؟؟؟؟؟؟؟؟؟؟؟؟
ومرة خواته اتخيلو قالو جدامي وهو كان موجود انته تحبها ومااعرف شو
انا ارتبكت بس عقب قالو لا بنت خالتهم هاي مب انتي لان اسمها شرات اسمي
ومرة سرقت اغراض من بيتهم اقولكم فضحني جدام الكل سراقة ومااعرف شو
وانا كرهته زيادة ويوم كبر شويه كان يسوي وايد مشاكل شرات مايسوون شباب اليوم
ويكلم بنات ومن هالقبيل انا حطيت في بالي ان انا مستحيل اخذ هالشخص في يوم من ايام اقولكم في يوم من ايام حلمت ان انا وهو ملجنا وكنت مرتاحة استغربت قلت مستحيل آخذه ونسيت السالفة إلا اتي اميه تقولي ان الأهل قايلين ان هو حقي بس لحين اهلهم مب مرمسين قوم اميه بس جي كلام وانا من هاك اليوم وانا كله افكر فيه والله احس احبه موت مااعرف ليش اقولكم سواد تحت عيني مااروم ارقد والسبة اني افكر فيه اقول في نفسي هو يحبني ولا كله اوسوس مااتخيل في يوم اني مااخذه وياخذ وحدة ثانية ماإن مااستوا لحين شي رسمي بينا
جان زين اميه ماقالتلي ان هم قايلين يبوني كيف انساه مرة ثانية وخايفة اتعلق فيه سنين انا يوم احب شي مااودر هالشي وصعب انسا بسرعة
بليز ساعدوني
والله العظيم ان كله اللي اقوله صدق
الله يعينج غلآيه
واشغلي عمرج باشيآء ثانيهـ احسلج ^^
إشغلي نفسج بشي علشان ما تفكري فيه راح تتألمي شوي بس أفضل لج المشكله لما نحط أمل بشي ويخيب أملنا
إن شـــــــاءالله إذا الله كاتبلكم نصيب بتاخذون بعض ..
بس إنتي لآتفكـــــــــــــري ..
إستغفري وإدعي كثييييييييييييير ..
الله يعينج
دام انه ماصار شي رسمي لا تفكرين فيه
انسييييه
لاتسوين شراتي
بنيت احلاامي الورديه مع اللي مسمينه لي الاهل وفالاخير خلاني وخذ وحده ثانيه
صدق انصدمت يوم عرفت انه خطب =(
الله يسعده ويهنيه ويبارك له في حرمته ويجمع بينهم على خير