مرحبا خواتي ..
بس حبيت أعرف كم الفترة ألي بين ولدج الاول والثاني يعني بعد كم سنه ولا شهر حملتي بالثاني ..
أنا بصراحة خاطري يكمل ولدي سنتين وأحمل بالثاني ألحين ولدي عمره سنة وشهرين..
يا الله أتريا تفاعل الأمهات الحلوات 
اانا حملت فبنتي يوم ولدي كان عمره سنتين بالظبط ويوم ربيت كان عمره سنتين و8 شهور والله يوم تيبينهم ورا بعض تتغرباين هذا رايي الشخصي
أنا معاي أختي فالنقطه أحسه لعوازر يوم يكونون صغار ورا بعض بس أنا أهل زوجي حاشريني يبوني احمل بسرعه أونه هاتي أخو حق أحمد بس بروحي متلعوزه مع أحمد عالأقل يكمل سنتين وبعدين نفكر فالثاني ..
مشكوره أختي
انا عن نفسي بنتي عمرها ثلاث سنوات ونص والحين حامل يعني يوم بربي بيكون لها اربع سنوات
انا من رايي انه جذي احسن…..
انا الحين بس عندي بنوتة وحدة والله يحفظها لي وهي عمرها سنة وشهر وافكر احمل مرة ثانية يوم بتكمل سنتين ونص
انا عندي ولد واحد عمره 9 شهور ونص
ومافكر احمل الا اذا دخل المدرسة ههههههههه هم بصراحة تربية الولد
بين الأول والثاني 3 سنوات بالضبط وبين الثاني والثالث 3 سنوات بالضبط