أول شي :
الصلاة و السلامـ على النبي – اللهمـ صلي و سلم عليه –
ثاني شي :
خواتي مثل ما تعرفون موضوعي بآآين من عنوانه و أنا من زماآآن حابة أتناقش وياكمـ بهالموضوع
موضوع الاربعين
( ما بعد الولادة )
طبعاً الكل عآآرف ان الحرمة من بعد الولادة و ( خاصة اذا كانت ولادتها الاولى ) لازم بتحس بكآبة و ضيج لأن الوضع تغير عليها و تتغير هرمونآآتهآآ .. حتى علاقتها بريلها تتغير لأنها تحس ان في شي يبعدهاآآ عنه .. حتى رقادهاا يتغير ..
و لكن البعض بيقول ان العيال رزق من الله و اذا انتي مب قد المسؤولية و التعب ليش اتيبين عياال ؟؟
بس أنا أبا أنبهكمـ إن موضوعي ما يتركز فـ العيال .. موضوعي يتركز حول نفسية الحرمة فـ النفااس ..
و كيف نقدر نغيرها ؟ و حول قاعدة الاربعين يومـ ؟
*لكن ليش نحن ما نكسر هالقاعدة .. قاعدة الاربعين يومـ .. .. و ليش بالذات اربعيييين يومـ .. اربيعن يومـ تنحبس فيه الحرمة هي و عيالها .. و ان طلعة الحرمة يعتبرونه شي عييب !! .. و حتى اذا ردت بيت ريلها قبل الاربعين بعد يعتبرونه عيييب !! .. شو الحكمة ؟؟
أنا من حوالي أسبوعين ربي رزقني بولد الله يحفظه و يخليه لي و لأبوه .. و المشكلة اني لين الحين مب متأقلمة وياا الموضوع و هذا شي طبيعي .. الكل يقولي فترة و تعدي ..
أحياناً أحس بضيييييييييج غير طبيعي .. أستغفر ربي و أقول مثل ما قالوا الناس .. فترة و تعدي !!
عاد أنا كااااان بخاطري مع هالجو اللي يخبل .. خااطري أطلع و لو طلعة وحدة بس ساعة أو بالكثير ساعتين .. بتقولولي : انزين كيف اتهدين عيالج و انتي مب قد المسؤولية و ليش يبتيهمـ و انتي تبين تطلعين .. و انتي من أولهاا جي ؟؟ ( طبعا مثل ما تعرفون كلامـ الناس )
بس أنا أرد و أكرر .. شوفيها لو الحرمة طلعت و حتى لو تاخذ ولدها او بنتها وياها .. مدامـ ما فيها شي .. صح ان في امرااض و غيره .. بس اذا قلت ان المكان هادي ما فيه حشرة و زحمة .. مطعمـ مثلا ..
هل تشوفون ان هالشي عييب و غلط ؟؟ و شو السبب اذا كان كذلك ؟؟
أدري اني طولت وآآيد .. و هذا لأني كنت أبا أوصل لكمـ رسالتي بقدر المستطاع و عسب ما تفهموني غلط ..
و بالاخير خلونا نتناقش و نتبادل الخبرات =)
أختكمـ : M!s$-DxB
عادي اطلعي ساعه وردي مافيها شي محد بقول شي 
كسرتها وحياتج
سافرت بعد ولادتي بالسبوع هههه
بس عمر بني الحين 8 اشهر وانا بعدني تعبااااانة من الولادة وصابني هبوط فالرحم
احس عاااادي ما فيها شي…اطلعي وفرفشي واستمتعي بحياااتج
عادي مافيها شي أنا اطلع وأشل نونتي وياي يوم كنت توني مربيه
ما فيها شي ، انا يوم كنت في الاربعين صادف عيد زواجي وطلعت ويا ريلي واستانسنا وبعد كنت اطلع روحي اسير اقضي اشغالي وكنت اسير الصالون بس اهم شي يكون عندج حد توثقين فيه مثل امج عسب تتطمنين على ولدج