قصه ولادتي الحلوة

والله اشتقت لسوالف التجمع 1 و2و 3 بس طبعا بعد ماربيت ما شي وقت لشي غير البيبي

الحين الجزء الاهم خخخخ وهو قصه ولادتي الغريبه

المهم انا ربيت الحمدلله 10-1- وكان يوم الاحد المهم انا الاسبوع اللي قبله كانت عندي الالام

وايد من تحت وظهري يعورني الاربعا زرت دكتورتي وقالتلي النفس فاتحه 3 سم قلت في خاطري حلو

يعني بربي ان شالله بسرررعه رديت البيت ماخليت حلبة وزعتر وجرفه طول الويكند وانا اشرب من

الاعشاب

يوم الجمعه قلت يالله خلني اسير اسوي تخطيط لان الويع خفييييف سرت توام سولي تخطيط قالت الم

ماشي بس النفس فاتحه 4 سم

رديت البيت مشيت ساعتين من التعب اريد اربي خلاص

يوم الاحد اللي هو يوم تحديد المصير خخخخخخخخخخخخ سرت المستشفى الصبح الساعه 12 بروحي

ماخبرت حد قلت بشوف شو بيصير كلمت الدكتورة وسوتلي تخطيط وقالت الالم يادوب انا هنيه كلمتها

قلتلها الصراحه انا ماقدر خلاص رقاد ماروم ارقد ويلسه ماقدر وانا 3 بيبي لي هذا بيكون وخلاص ماريد

شوفيلي حل قالت صبري وبحط التخطيط تميت في المستشفى لين الساعه 3 وريلي يدق وانا اقوله بعدها

الدكتورة مايت خخخخخ اخرط ماريد اخوفه علي

المهم عقب الساعه 3 شافت الالم توه بادي شوي قلتلها دكتورة انتي عندج خبرة انا ابا طلق

الدكتورة بطلت عيونها اول مرة وحده تقول ابا طلق خخخخ قالتلي انتي تعرفين الم الطلق قلتلها هيه

وانا خلاص قررت ومتوكله على رب العالمين اني والبيبي بكون اوكيه طبعا كنت في الاسبوع 38

الدكتورة قالتلي فكري والبيبي 99 بالمية ما شي خطر عليه

طبعا كلمت ربيعاتي في التلفون اتشاور وياهن لانهن ما خذات طلق ( تحميله) وعقب زقرتها وقلتلها

خلاص حطيلي تحميله قالت الدكتورة خلاص انتي قررتي وان شالله كل شي بيكون اوكيه حطتلي التحميله

الساعه 4 العصر وتميت الين 6 وبدا الويع الناااااااااااااااااااااااااار الصراحه التحميله مووووووت

ماتخيلتها جذي المهم انا تحملت كل ما تذكر البيبي والالم والقرار اللي اتخذته اتشجع وانش امشي

في الغرفه شوي الين ما بدا الويع قوي على السبع وشوي وتميت اصااااااااااااااااارخ واضرب الشبريه

من الالم خلاص اقولهم بموت بموت الصراحه الويع كان فضيع بس النفس بسرعه فتحت عندي

خلاص اول ما فتح 8 سم الكل ارتبش وانا خلاص تحولت وحش كاسر ما خليت حد ما ضربته خخخخ

حتى الممرضات رافستهن مرافس ههههههههههههههههههههه

على الساعه 9 وربع خلاص الدكتورة تقولي لا تشدين ولاتصارخين طبعا لين ما طلع شوي من الراس

فتحت الماي ومن قو دفع الماي طلعت بنوتي فديتها مره وحده ما شالله كامل

عاد انا من الفرحه سحبتها وضميتها واقول حق ابوها طالع فديتها حلوة خخخخخخخخخخخ

وتميت متمسكه فيها ماريدهم يشلونها عني

وهذي قصتي الحمدلله كانت احلى لحظه فحياتي وطبعا خواتها اكثر فرحه مني

الله يسهل على كل الحوامل والله يرزق كل محروووووووووومه

حمدلله على سلامتج و سلامت البيبي … بس صراحه انتي وحده مغامره …. كيف طلبتي طلق … يسد الويع العادي وين ويع الطلق .. ما شاء الله عليج … عيني عليج بارده ………. يالله عقبالنا … ان شاء الله نربي …

بتخبرج انتي جيه طولتي في ولاداتج القبليه … ولا بس في هاي ؟؟؟؟

والله صدق أكشن قصة ولادتج

والحمدلله انج ما تعبتي فالبوش زيااادة عن تعب الطلق

وان شاء الله الله يبلغج فيها و تشوفينها عروووس

قصه مشوقه هههه