عملية تحويل مجري المعدة

شوفي احسن واحد يسوي عمليات التحوير هو الدكتور سلطان التمياط في السعوديه والدكتور خالد جودت في مصر اللي سوا عنده الجسمي وديانا كرزون عليماتهم اما عندنا ما احسهم شاطرين فيها حتى عبدالسلام الطائي اشطر دكتور عندنا شاطر في الربط والتصغير ممتاز بس التحوير فيه ناس تلعوزوا معاه

يعني على حسب الدكتور

عملية تحوير مجرى المعدة عملية كبيره مش صغيره بس هي للاوزان العاليه وايد ضروريه ،،،،، العمليه تتم بالمنظار و4 او خمس فتحات صغيره في البطن يعني مش عملية شق بطن لا تخافين ،،، بعد العمليه لانه المعده ما تمتص اي شي فلازم تاخذين فيتامينات و ابر بي 12 (اغلب اللي سووا عمليات السمنه سواء تحوير او غيره لازم ياخذون فيتامينات اصلا الانسان العادي لازم ياخذ فيتامينات فهالنقطه مش مهمه)

شوفي منتدى سلطان التمياط فيه قسم خاص لتحوير المعدة انشدي اللي مسوين العمليات عن كل اللي تبينه بس اذا وزنج وايد كبيره توكلي على الله وسويها حياتج كلها بتتغير بس اهم شي اختاري الدكتور الصح

في حالة ما بغيتي التحوير عندج تصغير المعدة وعبدالسلام الطائي وايد شاطر فيها

بس نصيحه لا تخلين عمرج اسيرة السمنه العمليات هذي تتسوى يوميا فتوكلي على الله