علاج العيون بالليزر

عندي استفسار عن عيادات اللي اقدر اسوي فيه عملية الليزر حق عيوني لاني تعبت من النظارة ، اللي عندها فكرة أو عن تجربة //

ممكن اترد علي ( ضروري ) لاني خايفة اسوي العملية وما تنجح ؟؟

وشكرا

دكتور هشام سواها لي..ما خذت ربع ساعه..سرت البيت رقدت..نشيت فليل طلعت اتحوط << اجرب العيون اليديده

الحمدلله العمليه ناجحه 100% و دكتور هشام طول العمليه يذكر الله و يسمي بالرحمن..يعني يخوز الرهبه عنج

اهم 3 نقاط

1. النظر لازم يكون ثابت على الاقل سنه
2. النظر لازم يكون ناقص على الاقل 2…اذا واحد او واحد و نص انسي تسوين العمليه..لان بدال ما تفيدج بتضرج
3. استمري على القطرات عقب العمليه في وقتهم لمدة شهر و الا بتعانين من الجفاف في العيون لباقي عمرج

و ان شاء الله اكون افدت الجميع

الموضوع وااايد مهم بالنسبه لي انا بعد أريد أسوي ليزر أو ليزك بس ماأعرف شو الأحسن وأخاف لأن عيوني أصلا دايما جافه وحساسه وأخاف يزيد بعد العمليه ولا والله خاطري أفتك من النظاره خص إنه نظري أقل من 2

بالنسبة لي كنت البس النظارة من سنة 2024 وفي شهر 8 هالسنة سويت عملية الليزك
في مجمع الزهراء الطبي في دبي
سويتها انا واختي واللي تبا عندي اسم الدكتور ورقم التلفون
حجزت موعد بالتلفون ورحت سويت الفحوصات وفي نفس اليوم سويت العملية ماخذت وقت
وبصراحه كل يوم انش من رقادي احس انه نظري يتحسن اكثر والحمد لله

يعني عقب 3 اسابيع تقريبا انا قدرت اشوف السطر الصغير اللي في شاشة الاحرف فالفحص بشكل واضح

بالنسبة للفحص قبل العملية يشمل النظر والانحراف والالوان او عمى الالوان والجفاف والحساسية
وعقب مايشوف نتايج الفحوصات يخبرج باللي يناسب عيونج يعني لو عندج جفاف او القرنية عندج رقيقة
ما ينفع لج الليزك مثلا ويقترح عليج الانترا ليزك وعلى هالمنوال

سويتها بـ 6 آلاف درهم
اي سؤال انا حاضره