السلام عليكم بنات
اشحالكن؟
فديتكن انا قريب ان شاء الله بنتقل لبيتي اليديد ( ايجار للاسف خخ)
المهم
و ريلي قال من ننتقل ان شاء الله بنعزم اهلي و اهله
يعني هم شوي مب وايدين اظن ^^
وانا ابا ادرب من الحين عسب ابيض الويه
صح اني حامل و تعبانه.. بس ماحب اكل المطاعم و خاصة للعزايم ^^
ف فديتكن انصحوني بأكلات تنفع اسويها لعزيمة العشا للأهل
و انا بدور الخطوات مصوره فالمنتدى
ابا لسته حلوه ما وصيكن
^^
مبروووووووك ع البيت اليديد
مقبلات: سمبوسة…فطاير…..شاي ….قهوة….عصير…..حلويات
العشا:معكرونة بالبشاميل….شوربة…..سلطة……سندويشات دجاج….خبز بالثوم…..بيتزا…
اتمنى اكون افدتج….واذا سويتي العزيمة خبرينا شو طبختي….
هلا حبيبتي
مشكوره فديتج ما قصرتي
بكتب اللسته عندي و بشوف ردود الخوات و بزيد و بحذف و بعدل فيها
و ببدا ادور الخطوات مصوره لاني مب وايد فالطبخ ^^
و يزاج الله خير
^^
ورق عنب – ثريد – مرقوقة – معكرونة بالباشميل- لازانيا
فطاير: جبن، زعتر، لبنه وزيتون ، لبنه وفلافل، بيتزا
3 أنواع سلاطات: تبولة ، فتوش، سيزر
– تشيز كيك – شاي – قهوة –
مرحبا الغاليه
مبرووك البيت
عندج تسوين
مشاوي مشكله …
محاشي
سلطات >> عربيه وتبوله وفتوش
حمص .. ومتبل ..
بطاطس ..
كب كيك.. وبسبوسه
سمبوسه بحشوات مختلفه ..
واذا انتوا من قوم عيووش
اهم شي مجبوس لحم
وسوي ذبيحه … *_^
انا بعد نفسج بالضبط
كانت المفروض العزيمة من اسبوعين بس اتاجلت لظروف
فكنت مجهزة كل شي يعني اغراض ومحطية ببالي الحلويات بسويها قبلها بيوم
بخبرج شو كانت لستتي
المقبلات : تبوله وورق عنب من برا – فتوش انا بسوي
العشا: باستا -دياي بالفرن-ساندويش دجاج جبن- مشكل فطاير من برا وربيان مشوي بعد من برا
سويت: تشيز كيك- كراميل- كيك طبقات
وبس لانهم مب وايدين تقريبا 6 انفار
ماشاء الله البنات ماقصرن