عرسي انتهيت؟

بنات انا وحده مالجه وحمدالله صار وحددنا موعد العرس يعني بس متى العرس قلنا بيكون شهر واحد ما حدننا التاريخ بالضبط وانا ووريلي كل ما حد يسالنا متى نقول لهم شهر واحد وانا وياه نحن بعض واايد ما قص عليكم نرمس ويا بعض بالساعات وهلي وهله مستغربين الكل محطي باله علينا شو تقولون كل هالساعات وغير المكالمات مسجات احس صابتنا عين لانه تغير موعد العرس بعد شهرين وانا وريلي انصدمنا صدمه الصراحه لانه حلمنا نحس تبخر الصراحه واللي مثل حالتنا يبى لها بسرعه نتزوج عسبت ما تستوي مشاكل والا اخره وانا محتاجه قربه كيف اصبر بعد مقدر خلاص احس هم جبير عقلبي احس حلمي كلله تبخر ؟؟؟؟؟؟؟؟؟
هدوني بليز قولوا اي شي

يا حبيبتي ربك اذا اراد شئ انما يقول له كن فيكن واحنا كلنا تحت اللي عينه ماتنام وتوكلي على ربك واتمنى انك تكونين انسانه مؤمنه بقضاء ربك وكل تاخيره فيها خيره ياحبيبتي والله يوفقك

حبوبة كل تأخيرة فيها خيــرة إن شــآء الله

بالتوفيق حبوبــة , ,

عادي احس

عزيزتي الخيرة فيما يختاره الله ..

والله ييسر ويتمم لكم على خير .

انا عرسي تأخر وايد وكنت احسب الأيام ويوم قرب العرس حسيت بحلاوة الأيام اللي مرت علي ونحن مالجين
استمتعي بأيام الملجة حتى لو طالت واطردي الوسواس من راسج انه صابتج عين ومافي داعي تخبرين حد عن مكالماتكم وشو طولها خلي هالشي بينج وبينه ..

وربي يوفقج ..

فدييييييتج هذا شي عاااادي والله عرس خواااني تأجل اكثر من مرة عاااادي فدييييتج الظروووف جييييه مرااات تي عكس مانبا .. اسمتعي بأبام الملجة تراااها الدقييقة اللي تروووح من حياااتج مابترجع مرة ثااانية وحرااام تروحييين من ايدج حلاة هالاياام اللي بتعرفييين بعدييين طعمها وبتتمنييين انها ترد .. لا تعكرييين مزااجج وتضااايقييين ع هالشي وكل تأخيرة فيها خيييرة وربي يسعدج ويهنيييج ويوفقج ويبعد عنج عيوون الناااس وشرهم ويخلييلج ريلج ويخلييج له ان شاء الله وتعرسووون وتستاانسوون بذن الله ..