اشحالكم عزيزاتي
اتمنى للكل الصحة والعافية والبعد عن البلاء
انا الله يسلمكم مركبة لولب هرموني من شهر 4 الماضي…لانه الدورة عندي تطول فنصحتني الدكتورة بالهرموني عشان ما اتأذى منها ويصير المنع
المهم من ركبته وانات مب مترقعه
كله تنقيط وما ادري شو
مع انه المفروض خلاص ما تييني الدورة بعد 3 شهور من تركيبه
واخر مرة الاسبوع اللي طاف
المهم انا سرت للدكتورة وكشفت علي
وقالت لي عندج بداية قرحة فالرحم و
وعطتني غسول لمده يومين
واذا ما راحت بتسويلي كي ما ادري شو
فالله يخليكم اللي عندها خلفيه ويمكن تساعدني تقول شو تاثير القرحة والكي علي
علما انه ما عندي غير بنتين الله يخليهم لي
الغاليات محد عنده خلفية؟؟
ماشي دكتورات بالمنتدى؟؟؟
والله ماعندي فكره
اللولب الهرموني يناسب من عمر 35 وفوق إذا عمرج أصغر شيليه
وأنصحج تشيلينه بالكليه لأن دام السالفه قرحه بيتبعها حمل خارج الرحم الله لا يقدر وبيأثر على الأنابيب
أنصحج أختي بالدكتوره راويه بالمركز الطبي التخصصي بأبوظبي بعطيج رقمها وكلميها عن حالتج وسيريلها أفضل
الدكتوره راويه تخصصها ودراستها موانع حمل وتخاف الله وملتزمه وتأكدي إنها بتحط لج المناسب بس أسعارها غاليه بس حاولي معاها تنزل بتساعدج
لا تهملين الموضوع ولو عندج قرحه بتحسين بألم بالظهر ووايد أعراض
مشكورة الغالية طي السنين
وما قصرتي
وبالنسبة للدكتورة ان شا لله بكلمها
بس صعبة بسيريلها لاني من الفجيرة