السلام عليكم ورحمة الله وبركاته
شحالكم شخباركم ؟؟
يبت لكم طريقة عمل بسبوووسه روووعه انا دايما اسويها
يلا بسم الله
أول شي نييب طاستين كبار في الطاسه الأولى نحط كوب سميد وكوب حليب بودرة وكوب جوز الهند وملعقتين صغار بيكينج باودر
وفي الطاسه الثانيه نحط 4 بيضات وكوب زيت وكوب سكر و علبتين قيمر (( قشطه )) و ملعقتين صغار فانيليا
وعقب نحط المواد السائله فوق الجافه ونخلطهم مع بعض و نحطهم في صينيه وعقب نزينه بحبات اللوز وندخلهم الفرن لمدة عشرين دقيقه بس انا انصحكم انه تكون اقل عن عشرين دقيقه اخااف تحترق وعقب نطلعها من الفرن وعلى طول نحط عليه الشيره
والشيره اللي انا اسويها عبارة عن كوبين ماي اللي هم تعرفون اكواب كرافت وكوبين سكر الأكواب مال الشاي مب الاستكانات لا العاديات مال الكوفي وشوية ماي ورد ونخلطهم مع بعض وبعدين نتركه يغلي ونحط الشيره على البسبوسه طبعا لازم البسبوسه اتكون توها طالعه من الفرن ونقصهم مربعات
وان شاء الله تعيبكم
ولا تحرمونا من ردودكم
وسامحونا عل القصور تراني يديده هههه
تسلمين
وينكم محد رد على موضوعي
مشكوووووووووورة عالطريقة وان شاء الله راح اجربها
مشكوره الغاليه انشاءالله بجربها
أخيرا حد قام ورد على موضوعي هههههههههه
مشكورة
بس المرة الياية لازم صورة ^^