السلام عليكم ورحمة الله وبركاته
شحالكم خواتي عساكم ابخير
>>>>>>>>> بدخل فالموضوع سيدة
امس رحنا مستشفى النور اللي فالعين عسب نطهر ولدي ولقينا دكتور (جراحة عامه) قال لنا بدليكم على دكتور ثاني متخصص في المسالك البوليه هالدكتور يسوي الختان بطريقة وايد زينه واحسن من الطريقة التقليدية
المهم انا وريلي رحنا للدكتور اللي دلنا عليه و اللي صار انه فعلا مايختن بالطريقة التقليديه
اللي صار انه قص شوووووية بس (قال عشان السنة)
واستخدم قطعة بلاستك صغيرة وخيط ووووو المهم انه ماقص شي قال خلاص بعد 5 أيام بروحة بيطيح وكل شي بيستوي اوكي لان الدم انقطع عن هالمنطقة
وماعطانا له اي ادوية ولا قال لنا تعالو راجعو ولا اي شي
المهم خواتي بليز اللي طهرت ولدها بهالطريقة تقولنا شو اوكي ولا مب اوكي
اختي قطعة البلاستك الي تقصدينا مثل الحلقه0يعني مب مثل اول خياطه اوشاش 0لوكانت الي تقصدينها وايد زيينه لان مسوي ولد اوماكمل شهر 0بس لازم تهتمي فيه 0الدكتور ماخبرج اتسوينه بماي وملح وبعدين تغسليه بماي مب مالح وبعد ماتغسليه وواتخلصين تسوين زيت الزيتون على الحلقه البلاستك وتدهنينه من فوق لين تحت شوي شوي كل يوم نفس الشي عشان الحلقه تلين بعدين اطيح بروحها 0انا ها الشي الي خبرني الدكتور اسويه 0ولدي كمل اسبوع وطاحت عنه0والله يحفظ لج ولدج 0
لازم تهتمين فيها واتحطين عليها زيت زيتون عشان ماتنشف
الحلقه البلاستيك وايد احسن عن الشاش غسلي الولد بماي وملح مره كل يوم ودايما دهني الحلقه بزيت زيتون وان شاء الله بتطيح بسرعه
لا تخافين اختي هاي الطريقه وووايد زينه انا اعيالي طهرتهم بهاي الطريق وابد ماتاخذ وقت عشان اطيح يعني ولدي الكبير خذتله اربع ايام و الثاني والثالث اسبوع بس اهم شي زيت الزيتون مع كل تغير للحفاظ
مشكوووووريييين خواتي عالرد
بس الدكتور قال لي ثاني يوم حطي الولد بماي دافي وشيلي الشاش بسسسسس ومايحتاي اسويله شي!
ماقال لي احطه بماي وملح او ادهنه بزيت زيتون!!!!!!!
وقال لي ع يوم الخميس بطيح بروحها!!
بس شكلي بسويها
يزاكم الله خير
المشاركة الأصلية كتبت بواسطة الرحيق 
كلام الاخت صح وانا بعد سويت نفس الطريقه لعيالي