بغيت جلابيات خفيفه للشهر التاسع ممكن تفيدوني بخياط في الشارجه تكون اسعاره اوكي في الشهبا او حلوان مابغي الخان ابغي اغير
اختي احسن تشترين الجاهزات
انا ما ادل شي في الشارقه
مثل ما قلتي خياييط الشهبا وحلوان والاسعار متفاوته بين المحلات انت بروحج خذي لج لفة وشوفي الاسعار وبالمرة فصلي لج جلابيات للاربعين وربي يسهل عليج ولادتج وتقومين بالسلامة
الله يسهل عليج و يقومج بالسلامة
انا اشتريت جاهز من تاجرات الانستجرام اللي يبيعون دريسات جاهزة عندهم قصات واسعة اسعارهم تقريباً بين 300 – 400 وفي بعد اقل من 300
اذا تبين حساب وحدة منهن خبريني بارسل لج حسابها في الانستجرام
انا عندي رأي لو يناسبج ,, وهو انج تتواصلين لين راس الخيمه منطقه النخيل صوب جلف سينما واشتري القطع من هناك تراه سوق الهنود بس اشياهم حلوه واشتري لج وكلما زدتي في القطع كلما رخصو اكثر وبصدمج ترا الاربع وارات توصل احيان من 12 درهم وفوق حسب النوعيه واللون ويمكن اللي بيقرا الحين بينصدم وصج نفس ما اقول لج ترا وااايد ناس ياخذون من هناك يفصلون ويبيعون 
المهم وبعدما تشترين دوري لج من المحلات الخياطه لصغار اللي داخل بتحصلينهم منتشرين في السكيك الضيجه يعني التفصيل لو كانت الجلابيه موديل الفراشه مثلا راح ياخذون منج عشرين وإن كثرت ثلاثين درهم فقط ولا تسوين موديلات عسب ماياخذون وايد عليج يعني فصليهن مريحات وصدرها مفتوح للرضاعه وخلي القياس الصحيح عندهم واكدي عليهم انج تبينهم بسرعه ولاتعطينهم لفلوس الا بعد ما يخلصون لانهم لو عطيتيهم قبل الخياطه راح يهملون ثيابج مده اطول والله يسهل عليج يارب ولكل المسلمات اللهم أمين والله يجعلها ذريه صالحه باره بإذن الله تعالى
محل كشخه ف مرف ستي سنتر عنده اشاء حلوة ويعدلون لج على حسب قياسج