شووو سالفة ما احلل ولا ابيح

بيما انا عندي محل لتأجير فساتين السهره والاعراس ف بوظبي ايوني حريم امسويات اعمارهن يبون فساتين وياخذون موعد ويضيعون وقتي وفي النهايه هم بالاساس يايييين عشان غرض واحد فقط وهو:: انهم يبون ياخذون فكرة التأجير ويبون يعرفون كيف انا اشتغل عسب ايروحون ويسون شراتي.. وهذا الموضوع ما احلل به اي وحده سوتها فيني ومااقول غير حسبي الله ونعم الوكيل يعني تبا تسترزق من ورى تعب غيرها….وعلى فكره شي منهن موجودات ف المنتدى معانا وكانوا حاطين مواضيع يدورون ع رقمي عسب ايوني ويشوفون المحل ويسرقون الافكار من كل النواحي….وهي عارفه عمرها اكيد بعد ما بتقرى الموضوع))))))))))))

مرحبا بنات …….
خواتي الحين بالبداية عرضت موضوع للاخت الي كاتبتنه فوق … المشكله كلها عادية بس الي وايد ضايقني في موضوعها انها ما اتحلل وا اتبيح .. يابنات شو سالفة ما احلل ولا ابيح ولا اسامح .. مع احترامي الها ولكل الي يكتب مثلها ترى هالكلام حرام انتي من تكونين علشان اتحللين او اتبيحين حتى نبينا خير البشر ما نطق بالتحريم او التحليل من جهته الخاصة الا اذا امره رب العالمين بتحريم الشئ المراد تحريمه من الله عزوجل .. ترى يا بنات عييب والله وياكثرهم في العروض التجاريه بفروعها ترى الارزاق بيد الله وحد … يعني الناس ما اظن لهاي الدرجه فاضيه تسرق الافكار عاد هم متفيجين …

واذا كان صح هالكلام قولوا بس حسبي الله ونعم الوكيل .

خلااص البنت بكيفها وهي محاسبة على كلامها