السلام عليكم خواتي وبناتي لو هب الخوف عليكن ماطرحت هالموضوع بغيت اقول لكن موضوع شاغلني ولو هب خايفه عليكن ماقلته لكن الله يسلمكن كل يووم حد محطي موضوع لتعارف وتواصل ع المسن والبنات ولا متزوجات يتسابقن ع الموضوع جنه صحن هريس جدامهن من تسبق وتاكله عن الثانيه >>> تشيبه بليغ ههههه
المهم يعني انتن مااتعرفن انه الاولاد مايقدرون يسجلون بنكات بنات ويخدعوكن معقوله تثقن في البنات الغريبات بثهي السرعه والله يسوونها الاولاد والبارحه انا شكيت في رساله وصلتني اونه نكج غااوي وبعدها ممكن نتواصل ع المسن بالله عليكم حد عااقل بيتواصل ع المسن من اول رساله غير الرياييل تحذرن من هااذيل اللي يبغون يتعرفون ع سريع والله انهم رياييل بينكن وانتن غاافلات
بقول لكن سالفه ويمكن تتعضن منها الله يسلمكن وحده محطيه مشكلتها في منتدى ثاني وتقول هي متزوجه وكل يووم تحط يومياتها في المنتدى عن سوالفها الرومانسيه هي وريلها وشوو اهداها وهي شوو تهديه المهم وحده من العضوات تمت تتقرب منها وتقول لها اشوف اطباعج نفس اطباعي بغيت اتعرف عليج عن قرب تواصلت اول شي معاها ع المسن وبعدها قالت لها مايصير خلنا نتواصل ع الفون وتم التواصل وتعارف اكثر وكثر لين صارت زيارات بينهن والبنت اللي اعجبت في اللي كانت تحط مغامراتها هي وريلها كثرت زيارتها للي متزوجه وكانت هذيج مطلقه تمت تزورها حتى يووم ريلها موجود وتيلس معااهم ضحك وسوالف لين يوم من الايام قال لها ريلها سيري اليوم رقدي بيت اهلج وانا بسير الدوام ويمكن ابات هناك وخاف تباتين روحج المهم سارت وعنياتها المسكينه ويوم الساعه 12 فليل قالت حسيت شي مستوي تتصل لريلها مبايله مغلق وتصلت لدوام تتخبر عنه قالو لها انه اليوم ماداوم هي انصدمت وقالت اكيد فيه شي مريض ولا شي صار فيه تحيده بيغير سخان الماي قالت يمكن تكهرب وصار فيه شي سارت مسكينه الطير بسيارتها البيت ودخلت ولاتسمع اسواط وضحك فتحت الغرفة النوم ولاتتفاجئ بصديقتها وريلها في وضع اعوذ بالله منه انصدمت واغمى عليها من الصدمه اللي شافتها وحطوها في العنايه 3 شهور وهي في غيبوبه ويوم فتحت عيناه تبغي تشوف ريلها قالو لها تزوج ربيعتها اللي تعرفت عليها من المنتدى بعدها دخلت هي المنتدى تحذر البنات من هذي العضوه وذكرت نكها حتى تفضحها حسبي الله عليها
شفتو يابنات هب كل حد تثقون فيها ماتعرفين شوو تربيت البنت هذي ولا شوو تخفي لج من كيد انا مااظلم البنات كلهن بس حد منهم خبيث تحذرو منهمن ياابنات يااغاافلات
وسمحولي اللي مابيعجيهم كلامي بس الحق حق وانا مغتاضه منكن واايد ههههههه
صح كلامج الغالية وانا وياج اذا الوحدة عندها شي مشكلة تحطها والكل بيتشارك فيها مب بطرشلك عالمسن وشحجه عالمسن والله غريبة بصراحة ماارتحت
كلامج صحيح غناتي وكل مكان فيه الزين وفيه الشين ، بس الاحتياط واجب
انا علاقتيه في البنات اللي اعرفهن ماتعدت حدود المنتدى والرسايل الخاصه
حتى ماوصلت للمسن ولا للتعارف والزيارات والحمدلله مع انها بس فالخاص علاقتي وياهن طيبه
وحبيتهن وايد ، وودي انه تكون علاقتنا برع بس انا من عايله محافظه وايد وافتخر
ف صعب اطلع بعلاقه من المنتديات ، ولا البنات بنات عرب وفيهن الخير والبركه
بس بعد فيه الشين بقولج موقف كان لي مثل صفعه :
انا مره كنت حاطه صور حفلة ملجتيه ، و ووحده من العضوات فالخاص طلبت رقم المحل اللي رتب لي
ديكور الملجه ف عطيتها ، وسارت اتصلت للريال سألته عن اسمي كامل ، واسم المعرس كامل
والريال ليش انه ثقه اتصل لاخوي وخبره بالسالفه وعطاه رقم البنت ، واخوي قال قال ما بنسويبها ولا شي بس
لاتعطين حد اي معلومه عن المحل وهاي حرمت الباقيات من معرفة اسم المحل لاني استويت خايفه
اللي تبا كوشه ليش بتتخبر عن المعرس واسمه وقوم منوه؟!
الموقف الثاني :
وحده سألتني عن مكان عرسي وخبرتها ، بحسن نيه و في يوم العرس
دزت ربيعتها للقاعه ، وهالحرمه قصت ع الحريم اللي برع قالت انا ربيعة العروس
دخلوها بدون ماياخذون موبايلها
وخواتي وحريم خواني وخوات المعرس فجأه جان ايشوفون التلفون في يديها تحاول تصور او تتصل العلم عند الله وام ريلي احتشرت ع اللي برع كيف ماتاخذن موبايلات البنات ،
ووصلت السالفه لريلي كنا وقتها نتصور انا وياه وسألوني قلت ماعرفها وكل ربيعاتي شفتهن فالغرفه وكانن بدون نقابات
وحلف اذا ماطلعت هالحرمه او ع الاقل اذا ماسلّمت تلفونها عند الباب بيسير وبيسوي فضيحه في قاعة الحريم
بس هي يوم شافت نظرات الاهل من حريم خواني وخواتي الخ في قاعة الحريم شلت بعمرها وظهرت لا ويالسه بنقابها
انا اعرف اللي دازتنها بس ماقول غير الله يسامحها لانها تعرف عمرها
كانت بتخرب علينا والله ريلي كان يضحك ويسولف والصور كانت حلوه
بعدين انجلب حاله من الخوف وبصعوبه خلوه يبتسم فالصور صدق اتنرفز وما كمل التصوير الا بعد ماقالوله سارت تخيلوا !
انا عن تجربه اتعرفت على وحده لكن في نهايه طلعت ولد وقلت حق الاداره عقب الاداره
قالوا ماشفنا منها شي ها البنت …اذا شفنا اي غلط بدر منها الحين بنطردها …
ترى بنات احذروا الله يستر ع البنات
لا حول ولا قوة الا بالله العلي العظيم
في ناس لهذي الدرجه من الوقاحه!!!!!!!!!!!
صراحه استغرب وايد من البنات الي ياخذنها عااااااادي يمكن فاليوم الواحد عشرطعشر شخص يظيفنه على المسنجر…..
انا بعد مره صارلي موقف استغربت صراحه بس لين اليوم محتاره ما اعرف!!!!!!يعني مرات اتناقش مع وحده عن طريق الرسايل الخاصه واحسها بارك الله قمه فالاخلاق اروم اني اثق فيها انها حرمه رزينه من اسلوبها ومرات انصدم من تعامل بعظهن!!!!!!!واتعجب!!!!!!!يعني مره وحده مطرشتلي رساله عالخاص انا العضوة الفلانيه في المنتدى اوانا اكلمج من هالنك وهذا رقمي (الموبايل) وانا حذفوني من المنتدى وارجو انج تمسحين رسالتي بعد ماتقرينها!!!!!!!!!!!!!!!!!!!!!…….تعجبت عجب العجاب..اذا هي فرظا كانت حرمه كيف توثق فيني لدرجه انها تكتب رقم تلفونها علشان اتصل عليها!!!انا منو!!!!وهي منو!!!!هل هي واثقه فيني لهذي الدرجه!!!!!!واستغربت انها تقول حاذفينها لانه مش محطوط عند اسمها عضوة محذوفه !!!!!مافهمت صراحه!!!!!كانت رساله غريبه!!!لكن ما اريد اظن فيها مسكينه يمكن كانت انسانه طيبه لدرجه انها تعطيني رقمها!!..مع انها ما تعرفني ولا اعرفها!!!!!….بس الغريب انها تطلب حذف الرساله بعد ما اقراها على طول!!!!!!!!!!…صدق الانسان يطيح في مواقف يستغرب!!!!!!!!لكن ياخذها درس..لانه عالم النت عالم مجهووووووول يعني انتي تكلمين اشخاص من ورى الشاشه!!عادي يكون الي تكلمينه ريال…….او حده ما تتمنالج الخير….او انسانه في قلبها حسد….ما اقصد انه يظن السوء في كل من يرمسه بس اقصد انه ياخذ الحيطه والحذر في كل شيء حتى لو في نظره شيء عااااااادي…والله المستعان..
شكرا حبوبه على هذا التنبيه لانه صدق وااااايد منتشر بشكل ملحووووووظ
وشكرا^^
اول شي في شباب يحدرون المنتدى
كيف الوحدة تكتب يومياتها ف المنتدى انا مستغربة يعني مب بالتفاصيل
وبعدين الزين موجود و الشين موجود بصراحة تعرفت ع بنات ما في اطيب منهم و الحمد الله
وعاد الريال اللي عينه زايغه بتكون زايغه
بس مب لدرجة ربيعتي تيلس مع ريلي وين عايشين ف امريكا
ما يجوز اصلا تكتبين اسرار بيتج بقول انتي متضايقة اوكي بس مب كل شي تكتبينه ريلي و ريلي و ريلي
وطرشي و سوالي انا مستغربة رياييلكم يرضون لو ريلي انا بيقص رقبتي هاي اسرار بينج و بينه و هاي حياتج الزوجية وما يجووووووز حتى تقولين حق اهلج شو يصير بينج و بينه فاهمات قصدي طبعا <<<
الله يهديكم بس انتوا الغلطانات
اعووذ بالله منهم صدق انهم ماعندهم خوف انا لو شوو ما اذق في حد لانه مثل ماقلتوا عاالم النت فيه اشكل ولون ماتعرفين منو تكلمين الله المستعاان وباارك الله فيكن ع اهتماامكن وردكن ع الموضوع
وان شااء الله اللي غاافلات بنتبهن ع عماارهن من هذيل ضعفااء النفووس