بنات انا الحين في الاسبوع الـ 35 (يعني نهاية الثامن) وراس البيبي حاليا فوق..
أنا لما كنت في السابع كان الراس تحت طول الوقت …مع ان الدكاترة كانوا يقولون ان بغير وضعة …بعده بدري على ان الراس ينزل..
بس سبحان الله ما اتغير
والحين لما صار وقت الجد وأول ما دخلت الثامن طلع فوق…
بعد أسبوع راح الراس تحت…وحسيت ان الوضع واااايد أريحلي والبيبي مرتاح لأن بطني ما كانت مشدودة على الاخير..
وبعد يومين ولا ثلاث رد ارتفع لفوق.. حاليا انا في نهاية الثامن وراس البيبي فوق ..وبطني مشدود ويعورني شوي خاصه لما يتحرك البيبي
بشو تنصحوني عشان ينزل راس البيبي لتحت مرة ثانية ويتم تحت؟؟؟
المشي يساعد عل هذا الشي؟؟…عطوني اقتراحاتكم لأن أمس لما رحت عند الدكتورة قالت لي اذا ما نزل الراس بنسويلج قيصرية
الله يخليكم بنات ساعدوني…والله يسهل على كل حامل
حبيبتي ادعي ان الله يسهل ولادتج
وايد ناس أعرفهم بنفس حالتج ويقولون لحظة الولادة رب العالمين يحرك الياهل وينزل راسه تحت
انت ادعي واتوكي على الله
ويا رب يسهل ولادتج وتربين طبيعي وتشوفين الياهل وتستانسين به
مابي اخوفج بس انا وضع بيبي كان طبيعي وحتى كل دكاترة كانو يقولون لي ولاده طبيعيه
بس سبحان الله وقت ولادة راح راسه فوق وسولي عمليه
انتي ادعي الله ووو حاولي تسجدين واايد عسب راسه ينزل تحت
والله يسهل عليييييح
بيعدل وضعه وبينزل الرأس لتحت لا تخافين حبوبه
لاتحاتين حبوبه
ان شاء الله بيرد ينزل الراس
لان انا ف حملي راس بنتي نزل فالسابع وفالثامن رد ارتفع
والدكتوره نصحتني بالمشي والحمدلله ربيت طبيعي
الله ييسر عليج ولادتج واتربين طبيعي
المشاركة الأصلية كتبت بواسطة كيوت ومن 
بس سبحان الله وقت ولادة راح راسه فوق وسولي عمليه
انتي ادعي الله ووو حاولي تسجدين واايد عسب راسه ينزل تحت
والله يسهل عليييييح
أنا ريلي يقولي هذا الكلام عشان يواسيني…
بس سبحان الله الانسان دايما قلق ومتوتر..
ما احب اتوتر مده طويلة …أعرف ان هذا الشي مب زين حقي وحق البيبي
لااااااااااااااااا لا تمشين دام الراس فووق لانه بتنزل الريوول بالحووض
شووفي …
عليج بالحبو هيييه الغاليه احبي مثل اليهاااااااااااااال .. وطولي بالسجووووود
انا كنت نفسج بس واايد فادني السجوود ..
واذا مانقلب سيري عند الدكتوره زينب بدبي بتقلبلج اياااااه بس لو دخلتي شهرج بتقوولج ما تقدر تقلبه
تلاحقي عمرج مادام ما تبين عمليه
وربي يسهل اموورج ياارب
<<<<حااااااسه فيج ..
واي سؤال انا بالخدمه