خواتي الله يرضى عليكم بنتي الله يبارك فيها عندها غازات عمرها شهرين وطول الليل صياح من الغازات ماخليت شي ماسويته ماخليت اعشاب ماعطيتها وأجببها ع بطنها وعطيتها قطرة انفاكول وبعدها صياح من جو راسها ..حتى تبا تعض ع اي شي ونفس الشي اللي يعضها من شدة الويع فديتها تكسر خاطريه
والحين ابا أجرب جاي أطفال شو رايكم فيه نصحوني فيه..
وكم مرة فاليوم ؟؟
وعادي مل يوم أعطيها ؟؟
هيه وشو احسن نوع ..
وكم خاشوكة احطي فالمرضعة .؟؟
وسمعت انه لازم يكون عمر البيبي 6 شهور..
احيد قبل عادي من شهر وينعطى للبيبي
وينكم
شكلج تخليها ترقد بالنهار وبالليل ما فيها رقاد
قمطيها بتشوفيها ترتاح في رقادها
اما عن الشاي عندج أمبرس من الولاده العلبه صفرا احط قياش خاشوقه الشاي الصغيره وماي 50 مل في المرضعه بتشوفين مكتوب ورا في العلبه
بس انتي تقولين تعطيها انفاكول اشوفه احسن من الشاي وشكلها ما فيها غازات تبي تلعب فتحي عنها القماط ولاعبيها شوي وغيري لها بترد ترقد
وانتي حاسبي على اكلج لا تشربين سوالف شرات المشروبات الغازية والملفوف والبطيخ
سويلج دله شاي العادي وحطي كم ورقة نعناع واشربي طول اليوم انتي بترتاحي لانه الام لما ترضع يصيبها امساك
ما أنصحج اقري ع العلبة الأعشاب 5 % فقط
والباقي سكر
عطيته لولدي وصار حركي وفرط حركة من كمية السكر ندمت قد شعر راااسي
انتي اشربي أشياء تخفف من الغازات ويتكون بخير ربي يحفظها
والغازات لابد منها تحملي وربنا يقويج و اقري عليها وشغلي قرآن بترتاح
وسوي لها بروحج أعشاب لو حابة مع نبات نقعي بابونج ع الخفيف مع نبات ونعناع وعطيها .. اما شاي الأعشاب هذا مافيه أعشاب ابدا كللله سكر
عطيها يانسون او شمار حبيبتي
وماعليها شر يارب ،،
المشاركة الأصلية كتبت بواسطة المعآني 
والباقي سكر
عطيته لولدي وصار حركي وفرط حركة من كمية السكر ندمت قد شعر راااسي
انتي اشربي أشياء تخفف من الغازات ويتكون بخير ربي يحفظها
والغازات لابد منها تحملي وربنا يقويج و اقري عليها وشغلي قرآن بترتاح
وسوي لها بروحج أعشاب لو حابة مع نبات نقعي بابونج ع الخفيف مع نبات ونعناع وعطيها .. اما شاي الأعشاب هذا مافيه أعشاب ابدا كللله سكر
مافهمت اختي متى صار حركي يوم كبر يعني وللا كييف