السلام عليكم بنات ..
بدينا نجهز شنطنا و نجهز عدة السفر و اتمنى لكل وحدة رحلة سعيدة ان شاء الله .. صراحة الحر فضييييييع و الواحد الود وده يسافر من الحينه لين بداية الدوامات خخخخ..
المهم خواتي .. انا عندي استفسار عن كذا دولة بنسير لها ان شاء الله ….
من الناحية السياحية و افضل المناطق و المناظر الطبيعية و معالم الدولة هذا ريلي بيتكفل فيه و هو خبرة من هالناحية .. بس تعرفون نحن البنات نموت اذا رحنا مكان و ما شرينا شي لوووول .. فاريد اعرف افضل الاماكن اللي نقدر نتسوق فيها في هالدول اللي راح اذكرها لكم..
انا ما راح اذكر جدول الرحلة بالتفصيل.. لأن احنا بنسير كذا دولة .. بعض الدول بنزور فيها منطقة وحدة و بتكون ليوم واحد يعني الحق ما تلحق ^__^ …
الدول و مناطقها اللي بنسير لها ..
1. بلجيكا (بروكسل – بروج) و هذي اكثر منطقة بنيلس فيها و منها بنسير باريس و امستردام و احتمال نسير منطقة اسمها كولون في ألمانيا و ليل في فرنسا و لوكسمبورغ – يوم لكل منطقة.
2. ميونخ الغنية عن التعريف بنيلس فيها بإذن الله 5 ايام و منها بنسير زلامسي ..
معظم المناطق اللي ذكرتها سياحتها في مناظرها و الطابع الريفي اللي يغلب على بعضها ..
هل تنصحوني بأماكن معينة ممكن الشخص يغفل عنها و ما تذكرها اغلب المنتديات؟ و شو بالنسبة للجو …؟ اللي سمعته ان اغلبها مناطق حارة ما عدا زلامسي .. هل الحر في هالدول وايد يعني آخذ معاي لبس صيفي علما اني البس عباية و شيلة .. و هل برودة جو زلامسي شديد و إلا عادي مجرد لبس جاكيت و خلاص؟؟
انتظر تجاربكم خواتي …
للرررررررررررررررررررررررررررررررررررررررفع
الجو بيكون حلو في زيلامسي تاخذين جاكيت واحد بس يكفي
اما في ميونخ انا كنت البس عباه وتحتها بدي كت عادي وجينز
أوستن بعد حلوه .. و بارده … نحن حجزنا في شاليه هنــاك و كان ابصراحه روعه و وااايد استانسنا بس ما يبالها تيلسين فيها اكثر عن 4 ايام … لأنج بتملين …
بروكسل فنانه و هيه العاصمه … حق التسوق طبعاا 
نحن سرنا آخن في ألمانيا … و سرنا باريس …
برووج مرينا ابها مرور الكرام لأن اخويه قال انها ممله !!! … طبعا هو متعود اييب حرمته و عياله فيعرف اكثر عنـــا ..
و عن الجو .. الغاليه شكلي امبين الصيفي و الشتوي بس مب وااايد شتوي … يعني خذي وياج جاكيت و خليه في السياره … لأن الجو يتغير ابسرعـــه ..
و عن بروكسل … شوفي إذا هاي السنه بيسووون سيادة الورود … يعني شيء حلووو و يخبل …
و اتسيرون و اتردون بالسلامه إن شاء الله …
للررقع^^
رحلة موفقة ان شاء الله^^
الجو في المناطق اللي بتسيريلها مب حار… بس تي أيام وخصوصا الأحد الشمس ما تنطاق…
والكل يمشي امفصخ والعياذ بالله…
زلامسي بعد نفس جو ميونخ تقريبا.. يعني مرات بارد وممطر وممرات حار… ما اتعرفيله…
بالنسبه لباريس فالجو حار.. خصوصا شهر ٦
أماكن التسوق هي:
ميونخ: مارين بلاتز.. شارع ما يخلص من المراكز والمحلات.. وحذاله شارع الماكسميليان، شارع الماركات…
باريس: بتلوع جبدج من العرب فالسوق… مثل ميونخ يعني… أنصحج اتسيرين لا فاييه.. مركز العطور تاخذيلج عطر توم فورد، توسكان ليذر… عجيب ودومه امخلص…
الله يهنيج حبيبتي ويردج بالسلامه…
تحياتي
Ro’s
للرفع الغلا
تروحيين وتردسين بالسلاااامة