السلام عليكم ورحمة الله وبركاته….
خواتي يايتنكم وابي منكم تساعدوني بمشكلة ربيعتي الصحيه …
مشكلة ربيعتي هي قرح الحلج ….
من سنين وهي تعاني من القرح اللي يطلع في فمها وماخلت طبيب الا وعطوها مضادات وادويه لكن دون جدوى …
وتعبت حالتها وتحس ان هذا الشيء يأثر بعد في اسنانها لانها ما تقدر تفرش اسنانها وحتى الاكل ماتاكل وتلقى صعوبه بالكلام بسبب القرح وحاليا قالوا لها ما لج علاج الا الوسم … عني نهيتها عن هذا الشيء وحبيت احط موضوعا وهذا بعد استأذاني منها عل وعسى نلقى طبيب شاطر في هذا الشيء او حل لديكم…..
أختكم ام خلود
اهى جربت اتجرب كذا استشاره لازم ادور لها احد يكون فعلا استفاد من علاج عند دكتور معين الله يعيتها والله هذي مشكله بس انا بسال اذا في احد يعرف اي شئ عن هالموضوع
يفيدها
نبات الجينسنج
جذر الأرقطيون
شيكي الخاص
مشكوره اختي مرموم علي الموقع وايد مفيد
حبيبتي الله يعافي ربيعتج يارب …
وخليها تقرا على عمرها الرقية الشرعية وتتصدق بنية الشفا (داوو مرضاكم بالصدقة )
الله يعلم انها عين …
الله يعافيها يارب
سمعت أن القهوة زينة ،،، يعني تييب قهوة مقلاية ومطحونة خشن وتفرك بها حلجها،،، بنت عمي كانت تعاني من نفس الشي ونصحتها أمي بهالطريقة والحمدلله نفع وياها ،،،،، خليها تجرب،،، والله يشفيها يارب ويشفي مرضى المسلمين جميعاً.
السلام عليكم
اختي ام خلود ….
انا انصحج انج ما تمنعينها من الوسم لانه صراحه وعن تجربه شفته جدام عيوني هو مفيد وااااااايد …اول حاله شفتها بنت اختي بعدها بفتره طلع في بنت خالي وكلهن توسمن وياب معاهن نتيجه ….الوسم يكون في الراس من الخلف……..وخليها تجرب اذا ما فاد ما بيضر… والله يشفيها