ساعدوني تعبت من هالحاله

خوااتي انا اليوم ابغي مسااعدتكن والله تعبت من كثر الهم والصيااح . مادري كيف اشرح الموضووع خواتي انا عمري 15 صاارة لي مشكله وهالمشكله بسبت ربيعتي قالت لي انا عندي ربيعة وابااج ترمسينها انا صدقتها ورمست اربيعتها الاني ماحبيت اردها بس للاسف طلع ولد الي رمسني وكتشفت هالشي بعد شهر انا قلت لخوية اول ماعرفت وهو قال بتصرف بس اهلي امي وابوي كارهيني مايرمسووني لييش انا شو سويت ماالي ذنب انا ماكنت اعرف انه ولد والله يااخوااتي تعبت من الصيااح والهم شو تنصحووني اسووي ابغي ارد ثقة اهلي فيني بلييز لااا تبخلن عليه قوولن لي شو اسووي والله حاولت انتحر بسبت هالمشكله مرتين بلييز سااعدني ابغي ارد ثقتهم فيني ..

الولد كنتي ترمسينه مسن ولا مسجات !!

ولاتصيحين انتي عشان اهلج مايشكون فيج

فديتج حبيبتي لا تصيحين ولا تنقهرين
وتأكدي أن لكل مشكلـة حل مهما كبـــرت
و أهلج مستحيل ما يعطونج الثقة مرة ثانيــة لأنج بنتهم بالأول و الأخير
وهاي غلطـه و أكيد هم بيتفهمون هالشي مع مرور الوقت
و صبري على أهلج فترة وبتشوفين كل شي رد طبيعي

و بخصوص الإنتحار حبيبتي
لو فكرتي فيها و سألتي نفسج
أنا يوم بنتحر إنتحاري بغير شي؟
أمج بتنهم و أبوج و أخوانج وعايلتج كلها
وفوق هذا عقــاب ربج ما فكرتي فيييه
لو انتحرتي أو فكرتي بالإنتحار بتكونين أكبر غلطانه
وغلطتج هاي إذا سويتيها ربج ما بيغفر لج!!
لكن ربج بيغفر لج عن غلطج ويا الولد و أهلج بعد
قارني بينهم وشوفي شو الأحسن
أنتحر و أخسر رحمت ربي و أهم أمي وأبوي و أخواني و عايلتي علي
و لا أصبر و ما بعد الصبر إلا الفرج و ينغفر لج من الطرفين؟؟
حبيبتي خلي عاطفتج ومشاعرج في صوب و خلي عقلج هو اللي يحكمج
و اصبري و اصبري واصبري
وتأكدي إن الفــــــرج قريب ربـج ما ينسى عباده
وواضبي على الإستغفار و الصلوات و إن شاء الله كل شي بينحـل

عشق طاهر مشكوورة اختي ع الرد انا رمستة عالمسن مب عالفوون تسلمين عالرد

اللبوة البيضة مشكوورة حبيبتي والله رديتي لي امل ان شااءالله بسوي على الي قلتيه لي والله تسلمييييين فميزان حسنااتج

حااولي ترمسين امج وابوج حتى لو مابيسمعونج وانتي سويتي الصح يوم خبرتي اخوج بس بعد لاتفكرين بالانتحاار

وسوي مثل ماقالت عشق طاهر و اللبوة البيضة وانشالله يردون الثقة فيج

يا حياتي سوي شرات ما قالو الخوات
و لا اتصيحين فديتج لانج ما سويتي شي غلط
و هاي اربيعتج قطعي علاقتج فيها احسن لج