هلا بنوتات انا يديده بالمنتدى وحابه استشير المالجات انا ملجت من 4 ايام وحفلة الملجه الاسبوع الياي وانا ماعرف شي عن التجهيزات بحكم اني البجر والوالده فديتها ماعندها خلفيه عن هالاشياء واسألتي هي
1-هل كل شي في الملجه ع المعرس حتى الدخون والعطور
2_الحناء والتسريحه والميكئب هل هي بعد ع المعرس واللا لا
لان ربيعة الوالده تقول كل شي ع المعرس انتوا مايخصكم بشي وانا محتاره هل كلامها صح واللا لا
ومشكورات مقدمآ فديتكن
الغاليه
اللي اعرفه انه تعديل العروس كامل عالمعرس
وتجهيز حفله الملجه سواء العشا وغيره بعد عالمعرس ,, انتوا بس لازم تخبرونهم كم تبا العروس عشان الفستان والميك اب والحنا ,, وبعد تكاليف العشا والدخون وهالسوالف لأهل المعرس عشان يطرشونه لكم =)
أنا ما ملجت بعدني ,, لكن هم مخبريني اي شي تبينه بس دقي علينا وخبرينا ^^
والأغلب جيه طبعا
وبالتوفيق غناتـــي 
اللي معرووووف انه كل شي على المعرس
والمفرووض تسالونهم اذا هم مرتبين كل شي ولا لا
والمفرووض هل المعرس يعطوونج فلوس الحنا والفستان والميكاب قبل الحفله بفتره
تسلمين الغاليات
بس حميتي تقول ان كل شي علينا وان هالاشياء محسوبات ظمن المهر
حبيبتي تختلف العادات بين الناس والعوايل.. مافي شي ثابت
مايخص الملجه فالمهر المهر للعرس هذا لي نعرفه …واذا مهرج عالي ممكن في هالحاله هيه تاخذين مبلغ للفستان والمكياج والتسريحه وحناج بس الباقي من عشا وعطور وفواله وحلويات وترتيبات الملجه طاولات وبوفيه وغيره لازم عليهم ..واذا ظروف المعرس صعبه وايد ممكن تساعدونهم في جزء بسيط مب كل شي …موفقه يارب
عني انا شارطه ماشي حفلة ملجه للحريم بس عشاء رياييل واليمعه تكون عائلية وخلاص بس بعد بتعدل وبتحنى وبكشخ حقه هو بس شي بسيط ..والله يوفق الجميع
االمفروض كله ع المعرس و هم يعطووكم بيزات حق الفستان و المكياج و التسريحه ..
و بااااقي الاشيااااء بعد عليهم .. الااا في حالت انتووو تبوو تساااعدووهم في بعض التجهيزااات من عطر و دخون و توازيعاات خفيفه ..
و الله يوفقج و مبروووووووكه ياا عرووووس ..