السلام عليكم خواتي
السالفه ان نحن للاسف ما ناكل في البيت ريوق ما نتريق ماعندنا وقت الصبح
وانا اسير المدرسه واكل هناك سندويج وعصير وبس
وارد من المدرسه يوعاانه وما احصل حد مسوي شي في البيت
امي اتداوم وترد بعدي ماتحصل وقت تطبخ الشغاله ما نظمن اكلها لانها مب نظيفه وانا اجز
واول ما اي ارقد لين المغرب وانش يوعاااااااااااانه وما عندي وقت اطبخ لان امتحانات
فاسير اسوي اندومي
واتم على يوعي
يعني لاريوق ولا غدا ولا عشااا
وكل شي الحمدلله متوفر في البيت بس مب عارفه كيف اطبخهم
فكرت اني اطبخ حق الغداا من فليل واليوم الثاني احره عشان نتغدى انا واخواني واهلي
والله صاير وزني 41
ما اكل مووووووووووول
فياريت كل وحده تدخل الموضوع شاطره في الطبخ تعطني وصفات وانا اطبعهم وكل يوم اسوي وحده
بليييز لان الوضوع صار مايحتمل ابا امتن
مشكلتي جاهله في الطبخ
شوفي في هالقسم عندج واااايد طبخااات ..
بقووولج اسهل طريقه للبريااانيتعلمتها من امي ..
تعرفين تسوين عيش ابيض بس ؟..
تحطين جدر وتترسينه للنص تقريبا ماي وتضيفن ملح ويوم يغلي
حطي عليه العيش ويوم شفتي العيش كبر حجمه شوي وصار شوي لين
صفه من الماي ..
وبنفس الجدر ضيفي شويه زيت شوي لاتكثرين وحطي قطع الدياي الي بتكونين
غاسلتنهم وحاطه عليهم ملح وكموووون بس ,, وحطي في الزيت وخليه الدياي
دقيقه بس لكل صوووب ,, يعني لاتخلينه يستوي وعقب ضيفي بصل مقطع كبار وبطاط كبار شوي
وفلفل باااارد وضيفي شوي ملح وكركم وبزاااار ونص فنجااان القهوه مااااي وحطي فوقه العيش وحطيهم ع نار هاااديه لمده ساااعه .. وبس
سهل يعني حطي كل شي مع بعض وحطيهم ع النار ياعه وبيستوي ..
سوي معكرووونه وايد سهل ..
سوي عيش ابيض وصالووونه ..
كل يوم سويلج شي خفيف ..
او اذا بغيتي شي كتبي في النت وبيطلعلج ..
وراوينا شو بتطبخين ,, عشان نقلد 
هههههههههههههه فديتج والله دلوعه موت
بحاول اسوي كل يوم طبخه
وبجرب اسوي برياني
وسلمت ايدج اختي^^
صوريلنا وخبرينا شو سويتي
هلا الغالية
والله لو اقولج انه الوصفات اللي هنيه يمكن احلى من طبخاتنا
انتي تمشي فالقسم مرة الاطباق الساخنه ومرة المعجنات ..الخ
وبعدين اهتمو بالفواكه والخضار بدال الاندومي
واحسن شي انتي تختارين الاكل اللي عاجبج وودج تاكلينه وتسوينه
يلا حبوبه شدي الهمه وابدي تعلمي طبخ
قررت اني اسوي سينابون واصووور
خذى جدر كهربائى وسوى فيه عيش ابيض وايد سهل كوب ماى كوبين عيش طبعا اغسلى العيش وخليه فى الجدر بروحه بيوقف وتقدرين اتسوين تونه وفوقه سهل وعملى والصبح فورى بيضه وخذيلج مرتدلا او سوي سندويش جبن وجام وحليب طازج