مرحبا الغاليات
شخباركم
حابه اشاركم بسالفتي مع ريلي و تحكمون عليها
بما ان جونا هالايام غبار, درايش البيت عندي مبنده عشان ما يخيس عندي البيت بالغبار
المهم المسا سبحت ولدي و نومته و شغلت المكيف على درجه حرارة 23 عشان ما يدخله برد
دخل ريلي شافني فاتحه المكيف عصب عليه و ضربي كف و قال اني ما احاسب على تصرفاتي في استعمال الكهربا
انا انصدمت من تصرفه ما كنت متوقعه منه
انتوا شو رايكم
احس الموضوع سخيف و ما يستاهل عصبيه و زعل
مرات افكر اقول معقول توصل المشاكل على اتفه الاسباب ليش جي صارت الحياة
اللهم اجعل القران ربيع قلبي ونور صدري وجلاء حزني وذهاب همي
الله يهديه بس يضربج كف عشان المكيف؟؟ قويه الله يسخره لج انشالله
عسى الله يهديه ان شاء الله
لا تهتمين اختي وتكبرين السالفة يمكن يكون مضايج من شي ثاني وطلع حرته فيج !!
لاحول ولاقوة الابالله
ماتوصل للكف عاد
الله يهديه انتي ماسويتي غلط بس يمكن صار له منبهج وانتي ع نياتج فتحتيه من الغبره والكتمه
والريال دايم يعصب يحس انج عاندتيه
وتبين تفرضين نفسج عليه
وماراح تكون الحنيه اللي بقلبج ع طفلج اقل من الحنيه اللي عنده
ادعي له
وناقشيه اذا هدأ الوضع شوي
وشوفي شو مضايقه لان شكله متضايق من قبل لا ييج ومن الحرة بيفكها عليج
معليه تحمليه وادعي له بالهدايه دائماً
معانات اغلب الازواج المكيف بس ما توصل للضرب
لا اله الا الله
كف على مكيف !!
ليش وين عايشين احنا
بعض الرياييل ماعرف كيف يفكرون يتصرفون ويا الزوجة موب كأنها بنت ناس لها احترامها قبل لاتكون زوجتة
استغفر الله اكرة اللي يتصرفون ويا الحرمة جي
ربي يعينج علية والله يصلحة لج ان شاءالله