ربيعتي والصلاة !!

شحالكــن خواتي عساااكــن بخير ..

كتبت لكـــن لأني متأكدة من نصايحكــن لـــي وما تبخلــن عليه بأي شي ..

الغوالــي …,, ربيعتــي الي ويااي في الدراسهــ …,,, في بداي لامـــر كانت تصلي وياااي كل ما اروح اصلي الظهر ….واعوذ بالله من كلمــة انــا …الحمدلله احاافظ على صلواااتي الخمس وحتى وان كنت مشغوله .. بس هيـــه هل الفتره ما تصــلي ؟!! …استغربت معقوله وياااي تصلي ويوم ما اكون وياااها او اقول لها بنسير نصلي ما تروح ؟؟!!!!! …حتى يمكن بتقولون يمكن عذر شرعي …بس اليوم قلت لها بروح اصلي بتيـــن قالت لا …جان اقول لها اجازه مع اني اعرف اذا هيه فيها الدوره ما بتداوم وتتعب واايد بسببهــا …قالت لا بس نص ونص …

ما اعرف شو تفسير هذا الشي …
تبون الصدق ..احس اني قربتها لصلاتهــا …
ويوم ما اقول لها ..ما تروح ولا تقول لي يالله نسير نصلي ..

خبروني شو معناااته هذا ؟؟!!

والمشكله تعاااني من مشاااكل دائمــا ..وكيف ربي بيسر امرها اذا هيه ما تقربت منهــ ..

ما ابغي اقول انها ما تصلي ..بس هل الفتره ما تروح ولا تقول بنروح نصلي ..

ياليت لو تنصحوني لانه من مسؤوليتي كصديقه اني ادلها على طريق الصلاه وتثبت عليها مب من مجرد ابتعااادي ما تصلي ..

ودعوه حلوه منكم ان الله يهديها ويصبرها على الي هيه فيهــ ..
ولي بعد ادعو لي بالخير وان الله يعطيني على قد نيااتي ..

الله يهديني ويهديها ويهدي بنات المسلمين

وإذا كانت من ربيعاتج المقربات.. ما في مانع لو تيلسين معاها يلسة صريحة .. تناقشين الموضوع وياها وتبينين لها أهمية الصلاة .. وتدعمين كلامج بآيات وأحاديث..

قوليلها بصرااحة عن اللي اتحسين فيه وانها ما تواضب على صلاتها.. واسمعي وجهة نظرها يمكن تكون اتصلي وانت ماتشوفينها أو عندها عذر.. ؟؟

وقوليلها أنّ رب العالمين غني عنا وعن صلاتنا .. بس نحن اللي محتايين هالصلاة..

وأنا أحيي فيج هالاهتمام بربيعتج وهذا يدل على طيب أصلج وخوفج عليها .. وأنصحج لا تتركينها وخليج وراااها ..
لأنج ربيعتها ومن واجبج تنصحينها .. وما تدرين يمكن الله تعالى يهديها على إيديج.. وفي الحديث "لئن يهدي الله بك رجلاً واحداص خيراً لك من حمر النعم"
وكم بتكسبين من الجر من هذا العمل ومن اي عمل بتقوم به ربيعتج .. لأن الدال على الخير كفاعله

أتمنى لج التوفيق .. وطمنينا جريب..