مرحبا عزيزاتي ..
انا خليجيه و نقلت للاقامه في دبي… ضيفه عليكم بس بصير من اهل البيت ان شاءالله
عندي سؤال و مستحيه شوي منكم .. لاحظت ماشاءالله لما يمرون الاماراتيات فيهم ريحة عود على بخور .. شي عجيب دورت بالمحلات الكبيره والصغيره بعد ما حصلت نفس الروايح اللي تستعملونها
يا ليت تفيدوني 
و لا تفشلوني باول مشاركه معاكم
اكيد هذه ريحه دخون
الحريم يدخنن كباتتهن وثيابهن وعبيهن بدخون وفي عود يوم تبرد ريحه تطلع ريحه حلوه
مريووم شكرا عالرد بس في نوع معين؟ جربت كثير بس مو نفس الريحه 
انا عن نفسي من اغسل العبي ادخنهن كيف احطهن في كيس الدوبي وادخنهن رباعه وعقب ارشهن بعطر واخليهن بنفس الكيس ومتى ما ابا اطلع لي وحده والبسها ويوم اروح مكان احط شوية مخمريه واتعطر هذا اذا بيت اهلي ولا حد اعرفه السوق اطلع بها جذيه بدون ماتعطر لانه ريحتها تكون اصلن حلوه ..
اتمنى اني ساعدتج .. ومرحبابج بالامارات ومنورتنها .. ومرحبابج فالمنتدى بكبره بعد
صح وعن انواع العوود اناا خواتي يشترنه لي من عند حريم والدخون بعد والعود اخوي يشتريه حقي وكلهن من العين
ام اشجان شكرا … و انتي اللي منوره
بجرب بالدخون اللي عندي اسوي هالطريقه.. انا اتبخر وقت ما ابي اطلع بس يمكن عشان كذا الريحه ما تمسك بالملابس
للرفع