السلام عليكم اخواتي العزيزات…..
والله ينكسر قلبي، لما أقرا مواضيع اخواتنا وهم يعبرون عن يأسهم في الزواج، وانا معاهم في كل كلمة يقولونها، وخاصة لما تسبب مشكلة العنوسة من المشاكل والمظاهر السيئة في مجتمعنا العربي والاسلامي….
وكل ما أقرا موضوع، أقول في خاطري "يا ربي، معقولة احنا على الأقل في منتدى سيدات الامارات ما نقدر نتساعد ونشتغل مع بعضنا البعض في حل هالمشاكل؟!!!"
وخصوصاً اني لاحظت مثل ما في مواضيع من البنات الي تأخر عليهم قطار الزواج يعانون هم بعد في بنات يدورون حريم لأخوانهم ومب لاقين، فليش ما نفكر ان نطلع حل واحد لمشكلتين مختلفتين، بس الهدف واحد…
بس أتمنى ان صاحبات القلوب الضعيفة والي ما يخافون الله، والي يحبون يلعبون في مشاعر الناس، انهم ما يستخدمون هالحل مشان يسون أشياء بدافع اللعب والاستمتاع…..خافوا الله، واذا ما قدرتوا تساعدون فعلى الأقل ادعوا بالتوفيق والنجاح…
وادعوا من اخواتي عضوات المنتدى انهم يتناقشون في طرح حل لهالمشكلة، لا تقولون صعب، فمسافة ألف ميل تبدأ بخطوة، والله سبحانه تعالى يقول: "ادعوا واعملوا"، واهم شيء ان احنا نراعي ضميرنا ونكون صادقين في هالحل….
للرفع….
يزاج الله خير سارررونه
وبما إني أنا من ضمن هالفئة ^.^ ههههه عندي اقتراح جهنمي
انه الدولة تنزل قرار انه اللي يتزوج عانس تزيده في راتبه مقدار من المال هههههه أعتقد كلهم بيركضون يدورون العوانس وين 
والله الدولة ماقصرت وعطتهم صندوق زواج وإسكان ولكن الشباب عيّارين وعينهم ع برى
مشكــــوووووورة
يا كثر ما فتحنا هالموضوع ولاقى اقبال بس فس الاخير
اختفى كل شي ..
ماقول غير انه الله يرزق الجمييييع يارب
ربي يوفق الجميع انشالله
ترى الزواج قسمه ونصيب وصح كل منا يبا يعرس حتى لو نعرف ان الزواج تعب ولعوزه بس هاي سنه الحياه اذا كل منا متعاون ومتفاهم ما بتصير مشاكل انشالله
واتمنى صدق من خاطري ان كل وحده مب متزوجه تلقالها معرس يستر عليها ويوفقهم كلهم انشالله
واتنمي لنفسي بعد
والله انا وياكم وان شالله نقدر نحل هالمشكله والله يستر علينا وعلى بنات المسلمين ان شالله
الله يعين هذي الفئة
بس الزواج قسمة ونصيب في الدنيا
كل وحدة تاخذ على قدر نيتها
والله يعطيكم على قدر نيتكم بس بعيـــــــــد عن رياييل متزوجين ..
قلناكم اتزوجوا بس بعيــــد عن رياييل متزوجين والله اعرف قصص رياييل اتزوجوا على حريمهم وخذوا عوانس والله انهم ندمانين على الزواج…..