حلى طبقات كاكاو

1كاس حليب بودره نحمسه عالنار حتى يصير لونه ذهبي

3/4 كاس سكر

5 بيضات

1/2 كاس زيت

1 ملعقة طعام بيكنج بودر

1/4 ملعقة طعام نسكافيه

تخلط جميع هذي المقادير بخلاط الكاس جيدا حتى تمتزج‘ وبعدين نحطها بصينيه بايركس

مستطيله وندخلها الفرن على درجة حراره متوسطه مثل الكيك

لمدة 1/3ساعه او انك تختبرينها بعود اسنان او سكين وتتاكدين انها استوت

وبعد كذا نجي للطبقه الثانيه

حبات جبن كيري

فنجان سكر

فنجان حليب سائل طازج مثل نادك ندى اللي موجود

تخلط في الخلاط زين ثم نضعها فوق الطبقه الاولى بعد ماتستوي

ونرجعها الفرن مره ثانيه بس هالمره

نشغله من فوق دقايق بسيطه بس حتى يجمد الخليط ويتماسك.

بعدها الطبقه الاخيره:

3/4 كاس ماء

3 ملاعق طعام حليب بودره

2 ملعقة طعام كاكاو بودره(هنتز)

كيس واحد كريم كراميل

توضع عالنار وتحرك جيدا حتى تغلي وبمجرد ان تغلي خلاص شيليها عن النار.

تسكب فوق الطبقة الثانيه برفق ثم تزين بحبيبات الهيرشي والشوكلاته

السائله وتدخل الثلاجه

وبالعافيه على قلوبكم.

تسلم الايادي روووووووعه

ماشاءلله عليج

وصفه حلووه مثل راعيتها

شكلها يمي يمي