تنظيم وجبات الطفل كييييييييييف؟؟؟؟؟؟

اعطيه بسكوت مذوب في حليبه و استخدم بسكويت ميلوبا وهذي الوجبه تكون عالساعه 8 او قبل حتى حسب الياهل

و عصير فواكه (تفاح و كثرى بس او احط معاهم شوية برتقال ) عالساعه 10 او 11

و مرات عشان يلين بطنه اعطيه ماي السح بدال العصير

ممكم بدال البسكوت تعطينها سيريلاك و انصحج بسيرلاك التمر وااااااااايد زين و مفيد يعني نوعي الغاليه
————————

حق العصر

اسوي فواكه كل شي بروحه او اخلط نوعين ( تفاح مهروس – موز مهروس – كمثرى مهروسة – افوكادو )

– بسكويت فارليز بالموز وايد اوكيه

الكيوي و الفراولة و البابايا ما جربتهن لان ممكن يسون حساسية للطفل بخليهن حق الشهور الاخيرة

اسويله نشا

اسويله مشمش مجفف مع الفواكه مثل تفاح و كمثرى و الحمدلله تقبله

اسويله شوفان بالسح وايد مفيد الغاليه

—————————–

هذي الانواع تنفع غدا او عشا :

الغدا يكون الساعه 1

العشا الساعه 8 او 8 ونص

الارز . و استخدم العيش المصري فايدته اكثر طبعن نفوره و نهرسه في الخلاط

و ممكن تسوين عيش ويا حليب

خضروات مطبوخه و مهروسة مرات اسويه خليط خضار بروحه و مرات اخلط كم نوع مع العيش او نوع واحد بس او اخلطهن مع الشوفان كل يوم شي

و هذي الخضار الي جربتها (كوسا – جزر – بطاطا – جزر ابيض احط شوي عن الغازات – بروكلي – الهليون – القرع العسلي – butternut squash احد انواع القرع )

عيش مخلوط مع عدس …. او شوربة عدس بالخضار ….. جربته بس ولدي تحسس فبخليه لين يكبر و بجرب مره ثانية

و ناويه اجرب الكرفس و اللوبيا و البازيلا و السبانخ و الملوخيه و بدل العيش بدخل المعكرونة على الشهور اليايه ان شاء الله

اللحوم على الشهر الثامن و ممكن الحين بس ما اريد استعيل على ولدي و البيض اجلته حق بعدين عشان الحساسيه و بس الصفار البيضه كامله عقب السنه

طبعا الحليب اهم شي رضعن قد ما تقدرن و يكون طبعا بين الوجبات يوم يبا اليهال و فليل

مرات اذا كنا طالعين اعشيه سيريلاك التمر

و الحليب في الوصفات اقصد حليب الياهل لان حليب البقر عقب ما يكمل سنه لان الياهل يحسس الغاليه و الروب فديتج ممكن الحين او ممكن عقب السابع لان اليهال ما يتحملون يحسسون من اي شي و ما بتعرفين الا بتجربه و الحساسيه تبين في ويه الياهل عقب الاكل يحمرن خدوده و منطقة الفم و ممكن جسمه بعد و اذا كانت خفيفه بس الويه و شوي عادي اما اذا كان الاحمرار وايد و الجسم كله متاثر لازم تودينها العيادة تاخذ ابرة حساسية

و مع اني منوعة لولدي بس فديته ضعيفون و صغنوني على قدي الله يحفظه