تعالوا نجهز الثلاجه حق رمضان

وبداية أقول لنفسي ولكل خواتي ، إنا لازم نتذكر الآية :

( وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ) [الأعراف: 31] ..

1) وما نبالغ في المشترى ، وناخذ على مقدار الحاجة فقط ..

2) الفائض من الطعام في الكثير ممن يحتاجون له .. عندج العمال اللي يسكنون بنفس المنطقة ، أو العامل اللي يشتغل في الدكان أو السوبرماركت القريب منكم ..

3) حاولي ترسلين من فطورج لجيرانج أو أي محتاج تعرفينه .. وتذكري أنه لج أجر إفطار صائم ..

ومبروك عليكم الشهر الفضيل ..

هذي أهم الأشياء اللي لازم تكون موجودة عندي في شهر الخير ..

القيمر + القشطة + بسكويت أولكر + صوص هيرشي الشوكولاته + صوص هيرشي الفراولة
ألواح شوكولاته + كريما سائلة + نسكافيه + جوز الهند + مكسرات
النيدو + عصير تانج + جيلي وكريم كراميل ومهلبية
النشا والسميد + الفانيلا البودرة للحلويات + الدريم ويب
طحين الحمص ( حق الباكورة ) + سمبوسة + أجبان ( كيري وجبن المراعي وموزريلا )
شوربة ماجي وشوربة كنور ..

إممم هذا اللي يا على بالي ، ومشكوووورة يا أم سيف على الموضوع