هلا بنات .. طبعا في منكم متابعيني من الاسبوع اللي طاف و تعرفون السالفة .. البنات اللي ما تابعوني هذا الجزء الاول
http://forum.uaewomen.net/showthread.php?t=341084
و هاذي تكملة العملية
السلام عليكم و رحمة الله و بركاته .. انا رجعت يا بنات و الحمدلله .. مشكورة لكل بنت و حرمة مرت موضوعي و دعتلي .. فديتكم والله ما تقصرون
المهم .. اخبركم عن التفاصيل ..
رحت المستشفى يوم الاحد .. اللي هوه البارحة .. الساعه سبع و نص .. يلست اتريا لين ما يتني الممرضة و دخلتني على غرفة التحضير .. و عطتني ثياب عشان اغير .. و يلست انتظر و انتظر و طول الوقت يالسه اشهد و استغفر .. الواحد ما يدري اذا هاذي نهايته و لا شو .. المهم شوي و يت الممرضة و حطتلي ابرة في ايدي عشان يعطوني مضاد حيوي .. و عطتني اياه .. و اترييت لين الساعه 9 لين ما وصلت الدكتورة ..
من يت قالتلي اشلحي ثيابج كلها عشان اخطط جسمج .. و تمت ترسملي خطوط و دواير بالازرق و الاحمر و استوى جسمي كله مشخط .. و عقب صوروني بالكاميرا مرة ثانية ..
قرب وقت العملية .. الممرضة عطتني حبة لتهدئة الاعصاب و حبة للبطن .. و سلمت على ريلي (هو الوحيد اللي يدري عن هالعملية) .. و دخلوني مكان العملية و انا يالسة استغفر ربي و شوي و بصبح الصراحة .. دخلوني غرفة العملية و مكتوب على بابها "للنساء فقط" بالانجليزي جان استانس
شوي و يت دكتورة التخدير .. و كانت واايد حبوبة و يلست تشرحلي كيف بتحط الابرة في ظهري .. و عقب قالتلي الحين قومي يلسي و كوري ظهرج .. و عطوني مخدة احضنها .. المهم حطو شي بااارد على ظهري اعتقد مطهر .. و عقب دخلت الابرة بين الفقرة السابعه و الثامنة .. و الصراحة يا بنات المها مثل الم الابرة اللي يعطونها باليد .. يعني عادي مب مثل ما توقعت ..
المهم بعد ثواني حسيت ابحرارة في نصفي السفلي يعني من تحت الصدر لين ريولي و بعدها حسيت بتنميل .. و ثواني و انا موول ماحس بشي .. يابتلي ثلجة و حصتها على بطني ما حسيت بشي .. قالتي خلاص انتي جاهزة ..
بدت العملية الساعه 9:30
اول منطقة اشتغلو فيها كانت ظهري .. رقدوني على بطني .. و اشتغلو و انا طبعا مووول مب حاسة بأي شي .. و بعد شوي رقدوني على ظهري عشان يشتغلون في بطني .. بدت بالكرشة و كنت عادي .. بس مدوخة شوي اقوم و شوي انام .. بدت بالبطن اللي فوق اللي تحت الصدر .. هني بديت احس بالالم و كنت شوي و بصيح .. قلت لدكتورة التخدير مب رايمة يعور وايد .. و على طول يابتلي ابرة ترقد .. و رقدت .. ما حسيت بنفسي الا و انا في الغرفة و ريلي و اختي عدالي .. قمت و هم حاطين مشد علي .. بس مب اي مشد .. والله ان مخلني مسطرة مب رايمة ايلس كله راقدة .. خلصت العملية الساعه 1:30 الظهر .. و طبعا من نشيت و انا احس بألم .. و عطوني مسكنات و جيه .. و كنت بعدني مدوخة اقوم و ارقد .. و رجعت كم مرة من التخدير و هالشي طبيعي .. كل الحريم اللي عدالي كانو يرجعون يحليلهم ..
المشد اللي لابستنه وااااااااااااايد راااااااص .. ما تتصورون .. سألت النيرس قلتلها كم ليتر دهن طلعت الدكتورة؟؟ قالتلي صبري براوييج اياهم .. و يابتلي اياهم .. وووووععععععع طلعو 5 و نص ليتر دهن .. حتى صورتهم للذكرى هههههههههههه
طلعت من المستشفى الساعه 9 و نص في الليل .. و كنت تعبانة ما اروم ايلس .. االمشد من تحت صدري ليين ركبي و من داخل حاطين مثل الجبس .. فموول ماروم ايلس كله طايحة .. قالتي الدكتورة هذا ما تخلعينة مووول لين ما اشوفج الاثنين الياي .. احس واااااايد .. بس ماعليه بتحمل .. وطبعا عاطيني ادوية و مسكن للالم ..
و قلت لازم اي و اطمن خواتي .. وبخبركم النتيجة يوم بشوف جسمي الاسبوع الياي .. لان الحين احسه منتفخ شوي من السوائل اللي دخلوها فيني .. يا بنات ادعولي الله يخفف المي و يصبرني لين الاسبوع الياي ..دعواتكم لا تنسوون ..
اختكم المووز 
الحمد الله على سلامتج
الله يخفف المج اختي و يصبرج و يقومج بالسلامه
و ان شاء الله ترضيج النتيجه 
الحمدلله على السلامه …….ووافينا باليديد وشهيتين بالمشد اللي حاطيلج اياه(:
يارب اتخف الامج .. ومبروك وان شاء الله تكون النتائج مرضيه =)
الحمدالله عالسلامه وماتشوفين شر
وان شاء الله مايسير تعبج خساره
الله يسلمكن خواتي ,, مشكورات عالمرور