تحرجني الدمعة وسط كل مجلاس = من قسوة ظروفي ودنيا ممله

المشكلة لي قلب بالحيل حساس = يموت عشق ولا يذوق المذله

لو يعشقك من تعشقه كان لاباس = بس البلا لا حب غيرك وجلّه

أحب خلي حب روحي للأنفاس = ومن زود حبه صرت له مثل ظله

لكن طاع أهل العذالة والأنجاس = وصدق كلام الواشي اللي وصل له

عرش المحبة داهم قصوره افلاس = مجفاة خل ودمعةٍ مستهله

أغصان وصله من عنا الهجر يبّاس = من عقب ماهي بالورق مستظله

لامن لفو ربعي رسمت التوناس = وأنا خفوقي ما برى منه علّه

وإذا صفى جوي ولا حولي الناس = أهديت خدي للدمع مرتعٍ له

بعت الهنا ..بعت الفرح..باقي اتعاس = ما غيرها هي تالي المال كله
ملفت الأنـظــار

ابدعتي الصراحهـ ..