السلام عليكم
اول شي أبارك لكل اللي ربن ف تجمعنا وربي يسهل علي البقيه
وطبعا أكيد الكل يبا يعرف تجربتي مع الخليه اللي وعدتكم أني أقولها
الله يسلمكم يوم الأحد 25/11 علي ع العصر كنت اقري تجارب الحريم عن الخيله
قلت خلني اجربها خاصه واني خلاص تعبت من الثقل وأبا إربي
وانا طوفت اول موعد وباقي يومين عن الموعد الثاني
وانا باول مولود وربيت قبل موعدي بأسبوع
المهم سرت الله يسلمكم اطلع الخيله من العلبه والريحه 
يألله يهون لجل نربي 
وحطيتها في دبة ماي وذابت وصار لونه ابيض مثل الحليب
وقعدت أشم فيها وبصراحه حطيت شوي منها ف شاش ومسحت المنطقه من الداخل شوي وعقب غسلتها
وما حسيت باي شي وقلت شو ها الظاهر كلامهم خرابيط ياب نتيجه
وعلي المغرب شميتها كل ما ادخل الحمام اشمها
عقب حسيت بآلام الدروه لين القليل الساعه 9
بس خفيف وعلي الساعه 11 ونص نزل علي مااااااي 
انصدمت ما فيني ويع او طلق الا شي خفيف
وعقب تم ينزل الماي خفيف
والساعة 1 ونص بدا الطلق يزيد شوي شوي ورحت امشي ويا ريلي فالحاره وهو يقولي نروح المستشفي وانا أقوله لا لين ما احس ان الطلق كل 5 دقائق بروح
المهم تم يزيد الطلق مع نزول الماي الخفيف وتسبحت بالماي الحار مرتين يخفف الالم لين الساعه 6 ونص ما قدرت أتحمل وطيران ع المستشفي توقعت النفس فاتحه 3 بس الدكتوره قالت لي فاتحه 6 الحمد لله ما حسيت
به
واقل عن ساعه ربيت الساعه 7 ونص بنتي ف حضني الحمدلله
ما شاء الله الله رزقني بولاده سهله ماشاء الله
ملاحظه:
يوم كان فيني الطلق كنت كله استغفر وادعي ربي بالتيسير ودعيت للقروي والمسلمين والمسلمات
وشربت كف مريم ف زاد الطلق
وكل ما اتيني ويعه احبي احبي لين تروح وأقعد أشم الخيله خخخ 
بس جد ارتاح يوم اشمها احسها كانه مخدر خخخخ
هذي تجربتي للفايده وما ابي الا دعوه طيبه منكن 
وربي يسهل علي كل حامل ويرزق كل محروم
ما شاء الله عليج
اول شيء مبروك ع البنوته الحلوة وتتربى في عزكم يا رب
بس انا اخاف موت من الولاده ولا احب اتذكرها مع انه ولادتي الاولى في بكري كانت سهلة تبارك الله وما كنت اسوي شيء غير اشرب ماي ورد و كله اقرا دعاء وذكر واستغفر
الله يبارك فيج حبيبتي
كلنا نخاف من الولادة
لازم تعب روح تطلع من روح وما راح يكونون غالين لو ماتعبنا عليهم
بس ولاده عن ولاده تفرق
شي ميسره وشي لا
الحمد لله ع كل حال وربي يرزقج بالولادة الميسرة حبيبتي
وأحسن شي تسوينه الدعاء والذكر
مبروك حبيبتي وتتربا بعزكم يا رب
أبا إربي تعبت هي هي هي.
الله يسهل علينا ويرزق كل محرومة
الف مبروك اختي وتتربى في عزج البنوته
والحمدالله ع السلامه وان شاء الله اذا لم الامر بنجرب الخيله
تسلمين على نقلج للتجرب
مشكوورة زوجة الملازم على ذكر التجربة،،
والحمدالله على السلامة ومبروك عليج البنوته
الله يجعلها من مواليد السعادة وقرة عين لج
بس شو سالفة كف مريم ! احيدة يدخنون به ،، بس كيف بنشرب ؟
بليز وضحي لنا اكثر ،، نبا نستفيد بالتجربة كامله ^__*
مشكوورة زوجة الملازم