هلا خواتي
طبعا مالي غيركم افتحلهم قلبي وارمسهم
ريلي ضربني ( مب ضرب عادي) لانه واحد مريض دايما في باله وساوس وافكار
تصدقون فكرت اسير المستشفى وآخذ تقرير ع الضرب و اشتكي عليه فالشرطه
فكرت اخبر اهلي
بس ماعرف شو الصح وشو الغلط
لانه لو اهلي عرفوا وشافوا الضرب عادي توصل للطلاق
والشرطه فضايح
مالي غير ((((((((( الله )))))))))
ودعواتكم …
صح الأكثريه يبون يعرفون التفاصيل .. بس انا اشوف انها مش مهمه جدام الي استواا
عشان ابغي اطلع وياه و نتعشى .. ولا اباه يوديني مكان .. شئ لايذكر صدقوني
لاحول ولاقوة إلا بالله
الله يعيينج غناتي انا حاسه فيج عليج بالاستغفار وسورة البقره وان شالله بتنحل مشكلتج …………..
اختي من رأيي تخبري اهلج …
وانا استغرب الحرمة ليش تخاف من الطلاق وما تخاف على عمرها وعيالها من ريال مريض نفسيا وتفضل انها تعيش في ضرب واهانات وعذاب !!!
انا ما اقولج اتطلقي بس خلي اهلج بالصورة عشان ما يستضعفج كل مرة وصدقيني الريال اللي يضرب زوجته مره ( خاصة اذا حامل) وتسكت راح يمد ايده مئة مرة وبيضربها لأتفه سبب ويذلها هي وعيالها ويخليها ما تسوى التراب لانه في نظره هي ضعيفة مالها ظهر وجبانه ما تتجرأ حتى تخبر اهلها.
خبري اهلج بالسالفة وخليهم بالصورة وللعلم الاب والاخوان هم اللي يعرفون يتصرفون بهالمواقف ويتعاملون معاه ويخلونه يعرف انه ما ماخذ بنتهم من الشارع.
هذي وجهة نظري ، وبصراحة الزوج اللي يضرب زوجته بوحشية وهي حامل ينخاف منه لأنه اذا عصب ممكن يضربها زيادة ويأذي الام والجنين .
لامركز شرطة ولا أهلج
عندج رب العباد
عليج بالرقية الشرعية والاذكار وسورة البقرة والاستغفار
بس اختي حاسبي ضرب عن ضرب يفرق ضرب اللي يوصلج إلى عاهة أو ضرر لج أو للجنين لاتسكتين عنه لازم أخوانج يتفاهمون ويا ريلج ما يصير تسكتين
الله يسر أموركم ويهدي ريلج ويحنن قلبه عليج
إذا سكتي عنهـ وما صآر عندج شخصية
بيآآخذها عآآدة …
يا أختي ..انا مب وياج ..واسمحيلي ترى كلامج فيه ضعف واستسلام وتقبل الاهانه والذل ..حلو يا اختي إنج تصبرين على الفقر وتراعين ظروف ريلج الماديه ..وتصبرين على الكلام الجارح الغير مقصود في بيتج وعيالج..لكن ما تصبرين على الضرب والإهانات وخاصة إنج حامل بين روحين ..يا أختي الريال إذا سكتي عنه أول مره إن رفع يديه عليج ..راح يتمادى عليج في كل مره ..لأنج في عينه رخصتي عمرج ..ورضيتي بالضعف والإهانه ..
لاااااااااا يا أختي واجهيه ..ورفعي راسج ..وقوليله ..أنا هذي المره عديتها لك ..إنك رفعت يديك علي…. ولا راعيت تعبي وحملي وضعفي ….وأنا سكت هذي المره علشان ضناي في بطني ..ولا خبرت هلي عن ضربك واهانتك لي ..ولا تحسبني ضعيفه في عينك ..ولكن صدقني واحلفي له يا اختي ..إن تكرر هذا الشي ..بيت أبوج يسدج واخوانج سندج ..
صدقيني يا اختي ..الريال تكبر في عينه الحرمه القويه الحاشمه لعمرها ..وتهين في عينه الحرمه الذليله الضعيفه ..
المشاركة الأصلية كتبت بواسطة الله يحفظهم 
لاااااااااا يا أختي واجهيه ..ورفعي راسج ..وقوليله ..أنا هذي المره عديتها لك ..إنك رفعت يديك علي…. ولا راعيت تعبي وحملي وضعفي ….وأنا سكت هذي المره علشان ضناي في بطني ..ولا خبرت هلي عن ضربك واهانتك لي ..ولا تحسبني ضعيفه في عينك ..ولكن صدقني واحلفي له يا اختي ..إن تكرر هذا الشي ..بيت أبوج يسدج واخوانج سندج ..
صدقيني يا اختي ..الريال تكبر في عينه الحرمه القويه الحاشمه لعمرها ..وتهين في عينه الحرمه الذليله الضعيفه ..
لاحول ولاقوة إلا بالله
ربي يفرج همج ويصلح ريلج ويهديه