السلام عليكم ورحمة الله وبركاته
بس حبيت اوضح ان غرضي من الموضوع كان فقط فضفضة لا غيبة ولا نميمة
المشرفات خذفن الموضوع لانه غير هادف
وهو صحيح هو غير هادف ويمكن ان
زودتها بخصوص العنوان ماكان لازم اقول عنها بصاصة يمكن لو استخدمت تعبير ثاني مكان احسن
بس انا ذكرت ماحاسنها انها تصلي وتصوم الفرض بفرضه وهي احسن عني بهذا الشي
واسفه اذا انفهم قصدي شي ثاني
والبنت انا بصارحها بطريقتي الخاصة
واسفه اذا اذيت حد بالموضوع
بس كان شي في خاطري حبيت اطلعه
ويفضل الواحد يحل هذي الامور بينه وبين نفسه
ملاحظة : للعلم انا كتب هذي التبرءة ماحد جبرني عليها
والبنت خلوقه وطيبة يمكن بس انا متضايقه من الموضوع بس وبعثت رسالة للمشرفة الكريمة الي حذفت الموضوع
مممممممممم
اول شي حبيبتي مايصير تتكلمين عن ربيعتج بهالطريقه ابداا مو على اساس انها ربيعتج؟؟؟؟؟؟؟؟؟
ثانيا من لوين تقولين هي راحت لطبيب نفساني لانهم كشفوها مو لانها تعبانه نفسيا من السالفه؟؟؟؟؟؟؟
مايصير تحكمين على ولااشي بدون ماتتاكدين اووك
وحرام اساءه الظن بالناس وهي عاساس اعز ربيعاتج؟
وبعدين شو يخص الصلاه بالموضوع كل شوي قلتي تصلي ولا اللي يصلي محرم عليه كلشي واللي مايصلي يحقله؟؟
مثلا لو ربيعتج ماتصلي بيكون شي عاادي لانها اوردي ماتصلي وطاف مو مهم بس تصلي وتسوي جي لا محرم عليها!!!!!!!!
وانتي اكييد ما بتقوليلها هالكلام بويهها نفس الاسلوب هنيه ممكن تنصحينها بس بطريقه حلوه عشان ماتخسرينها بس تقدرين تخبرينها هالكلام وبهالاسلوب وجها لوجه!!!!!! اكيد لا والسبب لانج ماتبين تخسرينها وماعندج غيرها طبعا!!
موحراام تكونين ربيعتها وتتكلمين من وراها بهالاسلوب
انا مو ضد انج تاخذين اراء البنات بس ضد هالاسلوب اللي مايوحي ابدا انج ربيعتها او تحبينها
حبيبتي يوم ربيعتي تغلط بنصحها وبفهمها واذا ماقبلت وكنت احبها واااااااااايد بصارحها وبخبرها عن عيوبها في وييهها عشان تتعلم مو اداري عليها وانصحها كم نصيحه خفيفه عشان ماتزعل ومن هناك اقرض فيها؟؟
الصداقه كلمه عظيمه وكبييره وانا اقرا دووم مواضيع واعرف انها وقفت ويااج وايد ف ياريت تتكلمين معها بنفس هالاسلوب وقدامها وتقوليلها انتي مو مرغوبه ووكبيره وعانس بس ها نصيبج وغلط اللي تسوينه بدون ما تجاملينها وتدارينها لانها اقرب ربيعه لج
وبعدين مالين المحلات والتلفونات وال هذيلا مو بريئين وهم دوم يطالعون ويتحرشون ومو حرام يكون حد تحرش فيها ليش متخيله ان مستحيل حد يتحرش فيها او يحاول يكلمها ؟؟؟
انتي ممكن وانا ممكن وهي محرم ليش؟؟
اتمنى ان تكون فكرتي وصلت لج
ويوم تكون في صداقه عظيمه لازم نتذكر ان لا وجود للغيره ولا النميمه ولا المجامله ولا شي^^
اتمنى ماتزعلين بس انا ما احب اجامل حد وهذا رايي
ودي^^
ياهلا
بالعكس انا حابه اناقش الموضوع عشان اعرف وين غلط
على الاقل قبل ماتغلقوه ناقشوني شوي وضحوا الاسباب وشو لازم اسوي عشان اتجنب
يااختي انا ماقصدي شي
بس في مشكله محتاجة اكيد حل
يمكن انا ثقتي بها مب كبيرة عشان جي كتبت هذا الموضوع يمكن للحين ماتصاحبنا على بعض زين مازين الله يعلم بس اكيد اعزها لامور
هي يوم تخبرني اي قصه انصحها وقولها شوفي بنفسك بس ماتردي على اي حد الا اذا واثقة به وتخبر امها وتحاول تشوف حد يناسبها من كل النواحي.
سالوها بتخبركم شعاع امل قالت وقالت
بس مرات الموضوع يضايقني عشان جي كتبته
وخبرتها انها تتحمل موضوع العمل والطبيب النفسي وهي قالت:انه هي تتحمله وتعرف انها غلطانه وتتحمل المسؤولية وانتهى هني الموضوع
سالوها بتقول شعاع امل قالت وقالت
لانها شافت المشاكل الي صارت في عملها وانا قلت الحمد لله والله اني ارتحت ساعتها والله مايسوى الموضوع علي حلفان لاني حسيت انها صحت
وقصدي بموضوع الصلاة موضوع تعذيب الضمير
يعني قصدي التناقض الي احسه بالموضوع يمكن احس انها تصلي وتصوم يعني تختلف عن غيرها فليش تسوي جي يعني انتي ملتزمه
لو حد ثاني اقول هذا الشخص معروف انه جي مايفرق عندي الله الهادي على الاقل الله يهديه يصلي وبعدين الله كريم
بس استخسر في الملتزم لان يلفت انتباهي هذا الشي لان عندي الصلاة معناها مفتاح كل شي
ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بس حد يقو لي ليش؟؟؟؟؟؟؟؟؟؟؟؟؟؟؟؟؟؟؟؟؟؟
هي استخسرها مب موضوع غيبه او نميمة انها تسوي وتسوي لا
لو حد مب ملتزم ماوافقه على الموضوع بعد اقول له لا
وهذا موقفي من ايام المدرسة وكنت احب اسمع هذي القصص بس ايام المراهقة والجامعة كنت اقول حرام يمكن البنات من حقهن يحبن ويعيشن حياتهن وجي حتى كنت اشجع اخت كانت تحب شخص معين وتزوجته على ماتصور
بس بعدين صرت اقول في خاطري غلط
ويمكن اذا وحده مب ملتزمه هي وضعها جي ماحد بيلتفت لها بس ملتزمه ازعل صراحه
يمكن انا تفكيري غير بخصوص اشياء معينه
ولازم افصل امور عن امور
وبخصوص الصداقة كصداقة
ماعندي مشكله اخسر الناس خسرت غيرها عشان مااخسرها!
واختي هي ماساعدتني بشي
واي مواقف الي وقفتها
!
قليل اختي واذا وقفت عشان هذا شي مايضرها لو شي يضرها ماتوقف لا هي ولا غيرها حتى انتي اختي ماتوقفين سواء اعرفك او ماعرفك الا اذا كنت ضامنه نفسك ماحد يهلك نفسه عشان انسان
انا الي اعرفه ان الوالده هي الي وقفت مواقف في حياتي بس
واعرف نفسي هي تعبت واعرف ان الله ماقصر
بس
يمكن كنت افضفض لها
وماقلت انها عانس حاشى لله اقول انها عانس في حريم متزوجات بسن 40 ومخلفات وعايشات احسن حياة انا اخر وحده اقول هذا الكلام بس هي تفكر بالموضوع بصورة مب طبيعي
ودوم تقول عمري راح على مساعدة هلي! وانا اقول لها ان شاء الله بيكون نصيبك زين بس انتي صبري على الاقل تشتلغين وجي وحطي راسك بالشغل
سالوها بتقول شعاع قالت وقالت
يعني هي تعرف موقفي ودوم انصحها
وانا بعد اختي كبيرة بالعمر مب صغيره يعني كلنا بالهوى سوى
بس المشكله هي ماوقفت رغم المشاكل شو اسوي؟ وانا ماحب هاي الامور او على الاقل ماتكون بهذا الاسلوب او يمكن انا كنت متنرفزه وبعدين الامور تكون عادي عندي!
انا ماقول بقطع علاقتي بها لان الموضوع عندي عادي بس منقهره منها عشان هي ملتزمه مب وحده جي
واريد اوجها بالموضوع
بس الحين بصراحه اقول يعني انا اش لي بغيري
عشان جي اعتذر عن الموضوع وعن الاسلوب عشان كنت مندفعه يوم كتبته
ايش لي فيها كلمت ماكلمت بس بنصحها وخلاص مثل العاده يكون احسن بس امبارحه كنت متنرفزه وكانت الكلمات قوية مانتبهت
بس هي حره بس بنصحها يوم تسالني وخلاص
والناس ماتتحدد بهذي الاشياء في ناس يسون اغلاط كثيرة وبعدين هم يطلعون احسن ناس
وهي البنت متواضعه يعني جل من لا يسهوا وانا مب احسن منها فاشغل نفسي بنفسي يكون احسن وخلي الامور مثل ماهي
هي بنت شاطره وتعرف كيف تحل مشاكلها والهادي هو الله الله يهدينا ويهديها يارب
صح انا غلطت في حقها عشان كنت متحسسة من الموضوع امبارحه بس يمكن لو فكرت بيني وبين نفسي زين ماكتبت الموضوع
السموحه
وبنتبه بهذي المواضيع المرة الياية وبكون حضارية بالطرح
جل من لا يسهو
بس صلب الموضوع يمكن ماتصاحبنا وايد عرفتي علي هي تتدافش علي وانا اتدافش عليها للحين في هذا الطور 
الموضوع أخذ حقه من النقاش مسبقاً .,
القسم يهدف الى حل المشكلات الشخصية او الحياتية والبحث في أساليب تطوير الذات ..
لا نستطيع النقاش ومساعدة من لا يرغب بمساعدة نفسه أو ببساطة لم يطلبها ..
أغلق الموضوع .