السلام عليكم ورحمة الله وبركاته …
في البداية احب أهني كل عروس واقول لها ألف مبروك ، وعقبال الذرية الصالحة …
اليوم يبتلك يأختي العروس موضوع مهم للغاية ، لأن الكثيرات من العرايس يهتمن بالمظهر الخارجي من
فستان ومكياج وذهب وغيره وغيره …. وتنسى موضوع الجسم والنظااافة ..
وهذا خطأ كبير ، لأنه راح يكون اول يوم لج تجتمعين فيه مع حبيبب القلب ، فلازم اتكونين نظيفة داخليا
وخارجيا …
المهم ما بطول عليييج وببدأ معاج ….
أول شي طبعا لازم تشلين ….. وتنظفيين زييين ما زييين …
أخذي لج طقم كامل معطر ( يعني لوشن + جل + عطر للجسم ) …
اتسبحي وغسلي جسمك زيييين ، بعدين حطي الجل المعطر + شوي ماي ورد + شوي زيت بيببي جونسون )
واتودمي فيه ، خليك مسترخيه في10 دقايق أو أكثر …
أغسلي المنطقة الحساسة زيين …
بعدين اتنظفي من الصابون ، وخلي جسمك شوي مبلول …
يببي عود أصلي وادخني منه وحاولي انج تسكريين الفوطه عليج وتخلين بس ويهج برا لما تحسين أن
الماي جف .
افركي كامل جسمك بالكريم المعطر وانتظري شوي لما يجف …
يبي بودرة المسك واخلطيها ببودرة دهن العود وامسحيها بكااامل جسمك وفي ….
ويبي مسك جاف أو يابس وافركيه تحت الأبط و في …. وقطري على الحواف بدهن العود الأصلي ….
تعطري بعطر الجسم لنفس العطر على كامل جسمك ولا تحاولين أنج تفركينه خليه ينشف بروحه ..
حطي دهن العود في أماكن النبض ، يعني في الرقبة خلف الأذن ، في مؤخرة الكف ،تحت الركبة …
لبسي ملابسج الداخلية وادخني مره ثانية بالعود الأصلي ، وهالمره طولي شوي علشان الريحة
تثبت العطور …
وبعدين حطي المخمرية الخاصة بالشعر ، وطبعا راح يكون شعرج ادخن مرتيييين ، حطيها وشعرج مبلول.
ويوم تلبسين الفستان رشي العطر المفضل لدييييييك ويفضل انه يكون ماركة ، لأن الريحة راح تكون قويه ..
ويوم سعيييييد حبيبتي …
بس ها لاتنسين الملابس الداخليه لازم تدخنيها وتطبقينها وترشين عليها شوي من المسك …
أما قمصان النوووم بخريها وعطريها وحطيها داخل علبتها ولا تفتحينها إلا بعد العرس وشوفي الريييحة
الحلوة ..
وألف مبرروك يالغالية ….
تسلمين يالغالية على النصائح الحلوه
مرحبا ختيه … تسلمين على النصايح
مشكوره بس بعد احنا المتزوجات نسويها
تسلمين ذكرتينا بالذي مضى .. بس المفروض يكون هذا الشغل عند كل لقاء مش بس في أول ليلة والسموحة
الله … حقيقة نصائح رائعة في حكاية ترتيب العطور و الكريمات و طريقة تثبيتهم
حقيقة حفظت الصفحة لأنها مفيدة فعلاً في كل وقت مو بس للعروس …
.
.
لكن سؤال صغير الغالية شو معنى كلمة المخمرية ؟ اسمعها كتيير و ما قدرت أوصل لمعناها الفعلي
.
.
و تسلمي بجد
تسلميييييييين الحلوه