بيولدوني في بداية التاسع ممكن مشورتكن,,,,

الله يكملج حملج على خير

حبيبتي لا تحاتين اختي نفس الشي بداية التاسع ولدوها عطوها طلق صناعي والحمدالله ربت هي لانها كان في الضغط ودوم يرتفع عاقولتها مايرتفع الا في المستشفى يوم موعدي ودوم كانو يرقدونها

حبيبتي لا تحاتين هم ادرى لان ياثر عالجنين فهم ادرى واستشيري بعد دكتورة شاطرة مثل نهلة او عفاف في عيادات خاصة هم احسن يطمنونج زيادة

الله ييسر أموركن انشالله,,, يزاكن الله خير,,

الله يسر امورج يارب..والله ما عندي علم بالموضوع ..بس اللي اعرفه انه دامج دخلتي التاسع ما في خطر على البيبي بعد ..لانه مكتمل النمو وبيكمل نموه العادي خارج الرحم..واعتقد تحفيز الولاده يعني طلق ,…انا من رايي روحي بمشورة المستشفى هم ادرى بصحتج وبصحه البيبي ..لانه السكر ما تدرين شو يسوي واتخافين انه يضر
الله يسهل عليج وعلى الجميع

لا تحاتين أنا أكبر مثال جدامج ^^

كنت حامل وبالبجر بعد وجاسني سكر الحمل والدكتوره قالت المفروض للحامل مايتعدى 140
وانا كله كان عندي هاي لين اضطرو الدكاتره يرتبون وياي غذائي يعني يخففون الأكل عني
وبعد ماشي فايده لين قررو يعطوني ابر انسولين يوميا آخذهم تميت آخذهم شهرين وشي
لأن السكر ياني وانا فالسابع ولما وصلت الشهر التايع قالتلي الدكتوره عندج تقلصات وانتي مب
حاسه فيهم اذا ماربيتي خلال اسبوع من دخولج الشهر التاسع بنضطر نولدج بالطلق وانا ماكنت اعرف
شي عن الطلق المهم سألتها ليش ماتتريوني لين ييني الطلق الطبيعي روحه قالت لا مانقدر لأن البيبي
بينتفخ وبيشرب ماي البطن كله وانتي بعد يبالج اسبوعين جدام نخاف نخاطر ونخليج تتريين ولو صار
هالشي بننجبر نسويلج قيصريه ونطلع البيبي هني انا زغت وتوكلت على الله وقلتلها اوكي طلق طلق
وامري لله..
ورحت بتاريخ 21-4 ورقدوني تاريخ 22 طبعا حطولي دوا مال الأسهال عشان افرغ وفرغت وانتي بكرامه
ونزلوني قسم الولاده وعقب يوم الدكاتره وتمو يفحصوني من تحت وقررو يعطوني الطلق وطلقي كان بالتحاميل
وعطوني تحميله وحده ومول ماشي ويع طبعا جهاز التخطيط على بطني وعقبه بــ 6 ساعات تحميله ثاني وطبعا
صار اليوم الثاني يعني تاريخ 23 وعقب بــ 6 ساعات بدى الويع شوي شوي ويت الدكتوره وفجت الماي عني (
ماي البيبي ) وبجي بدى الويع أكثر و اكثر وآخر تحميله عطوني اياها كانت الساعه 10 م وكان فاتح عندي 2 سانتي
ولين الفير الساعه 4 كان 2 سانتي وانا اتويع على فكره كنت ماخذه ابرة الظهر وكان نص الجسم مخدر والنص
الثاني لا فكنت احس بالويع المهم الساعه 4 فقدت الأمل لأنه وايد من الساعه 10 لين 4 وبعده 2 سانتي وفجأه
الساعه 5 يو الدكاتره وكان فاتح 7 سانتي سبحان الله دعوتي استجابت لما كنت اتويع فساعه فتح 5 سانتي
المهم تميت اقول ياربي وينك رحمتك عليه يالله تحفظ لي بنتي وجي تميت ازاعق يت الدكتوره مريم القمزي فديتها
وقالت ها حبيبتي تعبانه قلتلها هيه قالت ان شاء الله 5 دقايق واوديج غرفة الولاده وتميت اتويع وازاعق لين يت النيرس
اللي كانت مراقبتني وقالتلي تحسين بثجل قلتلها هيه احس فيني بوله والمكان ثجيل وايد قالت سوي بوش عشان
تهيئين المنطقه للولاده ولازم تتحملين امج شلون تحملت وصبرت ويابتكم انتي بعد لازم تتحملين وهني خلاص
عقب ما سويت بوش حسيت شي بيظهر من ورى ههههههههههه قالت النيرس عادي ولما ودوني غرفة الولاده
اقول حق الدكتوره بسويها قالت عادي المهم صحتج انتي والبيبي ويابولي قلاص ماي بارد وشربوني عشان اسوي بوش
وروحي بغت تطلع لأني ابي اتنفس والدكتوره تقول لالا تتنفسين خذي نفس عميق وبوش عشان البيبي مايدش داخل
وبعد محاولت تقريبا 5 أو 10 دقايق يت بنتي للدنيا وماحسيت انها ظهرت غير ماي حار ولما شفت اشوفها هي عالسرير
خخخخخخخخخخخخخخخخ وكانت الساعه 5:37ص ^^ بتاريخ 24-4- وبس ولا تحاتين الغلا توكلي على الله وان شاء الله تربين
بالطلق وطبيعي بدون عمليه بس انتي ساعدي روحج وساعدي البيبي عشان مايصير فيه شي..

الله يسهل عليج و يقر عينج بالنونو