السلام عليكم
شحالكن بنات
اختي ملجتها في البيت يعني ومب عارفين شو نجهز وكيف الترتيبات في البيت وجذي
يعني نبا افكار
واللي تعرف تقول ^^
هلا فدتيج اذا حويكم كبير حطوا طاولات وايبوا مال البوفيهات مب لازم اتكثرون مقبلات مشاوي نوع واحد عيش او نوعين وشو حلويات وحتى اذا داخل البيت ايبو بوفيه احسن من عيش وهريس ^^ وسوا لها توزيعات مثلا وسوا مثلا جاي حليب وجاي عادي وجاي بالكاستر قبل ماتحطون الاكل وزعوهن ع الحريم او لان الجو حر الحين سوا عصاير طازجه طبعا حهزوهم الصبح مثلا وحطوهم فالثلاجه اتوقع الملجه مابيكون فيها ناس اكثر من ٦٠ او ١٠٠ شخص
وتقدرون اتسون كوشه صغيره مثلا او اتيبون حد من المحلات يسوي شي بسيط
ومبرررروكين
المشاركة الأصلية كتبت بواسطة قصايد الهاملي 
وتقدرون اتسون كوشه صغيره مثلا او اتيبون حد من المحلات يسوي شي بسيط
ومبرررروكين
تسلمين حبيبتي ساعدتيني
بس ملجة بتكون بداية الشتاء يعني الحمدالله بيكون الجو زين حق الضيوف وهي بتكون حفلة عائلية والاصدقاء المقربين يعني
والله يبارك فيج حبيبتي بس افضل نيب كوشة لو تعرفين اسامي محلات حق الكوش في العين قولي لي
مبروكين و الله يتمم لكم على خير .. إن شاءالله من إتحددون اليوم و التاريخ أول شيء أكدوا على راعية الصالون للميكب و الشعر و الأمور الثانيه مثل الحلاوه و مناكير و غيره… و الفستان ممكن تحجز أو جاهز و تكرمين الشوز… بالنسبه للطقم و الساعات و الدبل إتزينهم أحينه ما يسووون الأستاندهذا إللي نفس العربانه خلاص راحت موضته عندج مثل المزهريات الكبار أو شيء خزانه جاهزه شفافه يايه بالطول من عند إيكيا و فيها باب إتحصلينهم في أغلب الصالونات حاطينهم مثل جذا رفوف ممكن إتحط فيه الطقم و السوع و الدبل راع المحمصه بيزين كل شيء.. و أحجزوا البوفيه و خلي إييب كراسي زياده بالكثير عشره إتحطونهم جدام الكوشه للتشجيع أو عند باب الحوي من داخل إترحبون بالناس مثل الإستقبال و إذا حصلتوا حد يسوي لقيمات أو شاي من هذيلا الصبابات مش شرط إتيبونهم البشاجير ما يقصورن … و الكوشه إتكون بسيطه عباره عن قوس من ورد الطبيعي و الخلفيه شيء مخمل .. هاتوا دي جي بس حرمه.. و إذا حابه إتسوي مسكه صغيره.. و التوزيعات ممكن إتوزعون شالات بما أن في الشتاء رتبوهم بطريقه حلوه و حطوهم في أجياس مثل حق الليله الشفافات إللي من فوق تسحبين من الجنبين عشان إتسكرين رأسهم.. و طاوله زياده لو حابه أختج العروس إتسوي كيكه و العصير سواا بطريقه مثلا عندكم الفاز الشفاف إتحطون في عصير طبقات عشان إيبين.. و مدخن عشان العود و البخور… و التصوير بس و الله ييسر أموركم يارب
ذكرتيني بملجة خالتي كانت في الشتاء وطاح مطر قوي خخخخ بس كانت الطاولات و البوفية فوقهن مظلة ومثل ما قالت الاخت قصايد ،،اذا حويكم وسيع حاولي تستغلين المساحة او استعيني بمصممة ديكور اتساعدج في ديكور الحوي واذا ع التوزيعات ممكن دخون او عطورات او بوكس صغير يكون فية حبة دخون و جوليت وميدالة راقية مثلاً و البوفية من بوفية النورس اللي في الشارجو وايد حلو وراقي،،!
المشاركة الأصلية كتبت بواسطة بحور-الشوق تسلمين حبيبتي والله زين يوم نبهتيني عن سالفه الاستاند الي نفس العربانه انا قلت بسوي لها جي دام انا سويت ف ملجتي جي بس زين نبهتيني ان جديمه الحركة وعيبتني فكرة التوزيعات حلوة فكرتج بنيب شال وبنحط دهن عود ودخون جي بيكون احلى بعد والله ييسر امورج يارب ويحقق كل الي تتمنينه يارب
ليش ما تسوي شيء مختلف؟ جربي تسوي الكوشة وكلشي عا الطريقة المغربية. وايد راقية وحلوة خصوصا يدا ما في وايد ناس
