السلام عليكم ورحمة الله الله وبركاته
اخواتي وبنات ديرتي ابا فزعتكم الله يرزقكم الجنه يارب
بنات انا اعاني من الكلف وفي البدايه كان خفيف جدا بس الحين انتشر بشكل مو طبيعي على خدودي وجبهتي يعني معضم وجهي كله بقع كلف غامجه سرت عن مشايخ عسب يقرون علي سرت عند اوباجي
بس ماشي فايده ونفسيتي في الحظيظ وربي لما اقعد مع ريلي استحي منه كل ويهي بقع
بنات اختكن في منحنه والي تدلني على دكتور او عياده او مستشفى جلديه اكون لها شاكره وربي لا يرحمها من شي تمنته وينولها الي في بالها يارب ويرزقها الفردوس الاعلا يارب الله العالم ان هذي الدعوات طالعه من قلبي لاني فعلاً في محنه ارجوكن لا تبخلن علي
هلا والله غناتي الغاليه أول شي هو انج تشترين اشياءمنها مقشر الي هو الاكسترادير رقم 3 وصابون البابايا وبيبي اويل وكذلك سنفرة المشمش
الطريقه انج ما تقربي وجهك لاي صابونه معطر فقط استعملي صابون البابايا كل ما تروحي تغسلي وجهك
المهم اول الصبح تغسلي وجهك بالصابونه وثم تنشفيه وبعدين تاخذي من البيبي اويل في يدك وتمسحي فيه وجهك على شكل دائري الوجه كامل ما يقارب 10 دقائق وبعدين تاخذي فوطه صغيرة جد الكف وتبليها بماء دافي وتمسحي بها وجهك عدل كم مره حتى تشيلي الزيت من وجهك وبعدين تاخذي سنفرة الوجه بيدك وتحطي على وجهك ودلي ادعكي فيها بالطف بطريقه دائريه ويستغرق بعد 10 دقايق بعدين تشطفين وجهك بماء دافي وبعده بماء بارد وتنشفي وجهك عدل وبعده تريحي 5 دقايق وتاخذي قطن وتكبي من المقشر اكسترادير وتمسحي به وجهك بتحسي بالسعه لكن لاتخافي ….
كل يوم على هاي الطريقه لمده ما يتقشر الجلد الخارجي واذا حصلتي وجهك جف حطي عليه فازلين ولا تخافي وبعد ما يتقشر الجلد الميت بيظهر جلد جديد راح تحتاجي اسبوع او اسبوعين او ثلاثه حسب وجهك وطبيعة جلدك بعدها تتركي وفيه طريقه بعد هذا سوي هذا واذا خلصتي طرشيلي على الخاص ومن عيوني شرح لج الطريقه الثانيه ..لني لازم تخبريني شو صار وكيف لان كل بشره تحتاج اشياء ثانيه وتحياتي لج…خواتي هذي هي طريقه التقشر الطبيعي والافضل