بنات الثامن والتاسع الي يداومـــن

شخباركم عساكم طيبين شو صحتكم.. بنات متى تفكرون تاخذون اجازه قبل والا بعد الولاده

والله اني في الثامن الحين وتعبانه ريلي تعورني كثر ما ايلس على الكرسي فالمكتب احس انها متورمه
المشكله اخاف اخذ اجازه لاني مابغيهم يخصمون من اجازتي السنويه انا افكر اخذها بعد ما اربى بالسلامه

شو اوضاعكم انتو خبروني .. شو تسوون طول اليوم .. نحن طبيعة شغلنا مانقدر نتحرك وايد لان الممرات كلها رياييل ماغير هالمكتب احوط فيه مرات احس عمري خبله

كل يوم الصبح انش متعايزه مابغي اسير والله طفرت ياخي ليش مايسوون قانون يصرح للحوامل من بداية الشهر الثامن ياخذون اجازه لين يربون يعني شو بيستوي عليهم والله نحن نحس بتعب محد يعلم به غير رب العالمين

هذا من غير الشغل الي نسويه في البيت يوم نرد .. وياليتهم يرخصونا من وقت بعد بناكل تبن ونسكت .. يرخصونا حالنا حال غيرنا الساعه 2 ونص انا عن نفسي اوصل البيت 3 .. والحين الجو حار قسم بالله ارد هلكااااااااااانه واناهي من التعب جني يايه ركض

خبروني انتو شو تسوون طول فترة الدوام وهل تفكرون تاخذون اجازات مرضيه .. وتعتقدون يسمحون لو خذت اجازه مرضيه لمده اسبوع والا فيها مسائله ومن هالطفاس

كيف انتوا تنشووون من الصبح ودوام ويا هالحر الله يكوون في عووونج

انا حمياتي اللي يشتغلن ياخذن اجازه تقريبا من نص التاسع ويتمن شهرين بعد الولاده اجازه وضع وبعدها شهرين اجازه سنويه

يعني تقريبا اربع شهووور عشان يرتاحن وبنفس الوقت عشان عيالهم يكبرون شوي

المشاركة الأصلية كتبت بواسطة mazyo0na

الله يكووووون في عووونج اختي انا يالسه في البيت واحس بتعب وما شي رقاد مثل باقي الناس

كيف انتوا تنشووون من الصبح ودوام ويا هالحر الله يكوون في عووونج

انا حمياتي اللي يشتغلن ياخذن اجازه تقريبا من نص التاسع ويتمن شهرين بعد الولاده اجازه وضع وبعدها شهرين اجازه سنويه

يعني تقريبا اربع شهووور عشان يرتاحن وبنفس الوقت عشان عيالهم يكبرون شوي

الله يهوووون عليج ويسهل عليج ولادتج

والله ياختيه شو نسوي تعب في تعب مب كاسر ظهرنا غير هالراتب … ياخذون اجازه حمياتج في نص التاسع مرضيه يعني؟ والا من الاجازه السنويه؟ لان انا اجازتي السنويه تقريبا 40 يوم وابغي اخليهن عقب ماربي وهم بيعطوني اجازه شهرين مثل ماتعرفين عقب الولاده..

لان مهما علا الراتب والمسمى الوظيفي بس اخرتها تربية العيال اهم من كل شي.. ما اتخيل اشوف عيالي بييد البشكارة.. احس بالغيرة.. يوم اشوف عيال بعض الحريم متعلقين في البشكارة اكثر من امهم قلبي يعورني واحس البشكارة اللي يابتهم مب الام..والعيال مب نظيفين فيهم ريحة الخدامة..

المشاركة الأصلية كتبت بواسطة أم فزاع

انا فضلت ايلس في البيت واربي العيال.. بعد تفكير الطويل وصلاة الاستخارة

لان مهما علا الراتب والمسمى الوظيفي بس اخرتها تربية العيال اهم من كل شي.. ما اتخيل اشوف عيالي بييد البشكارة.. احس بالغيرة.. يوم اشوف عيال بعض الحريم متعلقين في البشكارة اكثر من امهم قلبي يعورني واحس البشكارة اللي يابتهم مب الام..والعيال مب نظيفين فيهم ريحة الخدامة..

وبعدين الزوج ما بيحس بجيمتج كأم وعلى مسؤولية…

شو نسوي ياختيه والله انا ودي والهوى ضدي.. انا بعد ماداني اشوف عيالي في ايد البشكاره مادانيهم اصلا ولا امن فيهم.. لكن هذا اول مولود ان شا ءالله وباذن الله بخليه عند الوالده زين ان بيتها حذالنا.. لكن بعد كم بتيوده مسكينه هي بروحها تعبانه

انا ان شاء الله عقب ما اييب الثاني او الثالث بالسلامه بفكر استقيل .. لاني من النوع الي يحاتي وايد.. لكن الدنيا غاليه والله وراتب ريلي مايكفي المصاريف