والحمد لله والصلاه والسلام على سيدنا محمد وعلى اله وصحبه أجمعين ..
هلا خواتى بنات المنتدى اليوم سويت بلاليط بالهيل والزعفران وان شاء الله يعيبكم هو بالاصل البلاليط العادى الى كلنا نعرفه ونسويه فى بيوتنا..
المقاديييييير :_
كيس بلاليط ( الشعيريه )
سكر حسب الحاجه
زعفران منقوع بماى حار تقريبا فنجان قهوه
ملعقه كبيره هيل مطحون
ماى لسلق البلاليط
سمن
الطريقه :_
اول شى انشوح بعض من البلاليط تقريبا كوب فى تاوه فيها سمنونحركه عاى نار هاديه لين يحمر عندنا او يصير شرات الذهبى اوكى ..
ونيب جدر ثانى انحط تقريبا من 2 -3 كوب ماى عشان نسلق البلاليط المتبقى الى ماشوحناه فى السمن مع الى شوحناه فى السمن مع بعض يعنى( مع البلاليط الى صار لونه ذهبى مع البلاليط المتبقى الى ماشوحناه فى السمن ) لين ينسلقون تقريبا خمس او عشر دقايقمب أكثر وعقب نشخلهم فى المشخله مع اضافه تقريبا كوب سكر او زياده اذا حبيتيه حلو وتحركيه زين ما زين وهو فى المشخله , بعدين انرد البلاليط الى شخلناه الى نفس الجدر مع اضافه ملعقه من السمن مع التقليب ولاتنسون اضيفون ملعقه من الهيل او ملعقتين كيفكم والزعفران الى نقعناه بماى حار ظيفوه مع البلاليط وعاد اهنيه شمو ريحه الهيل روعه
واتمنى يكون الشرح مفهوم خواتى وسامحونى ماصورت الخطوات
..واتمنى من كل وحده ادج الموضوع ترد أمانه أمانه تدعيلى بأن ربى يحقق لى كل ما أتمنى ويوفقنى وأحصل شغل يناسبنى آمين يارب ..
اتشوفون كيف لون الى شوحناه بالسمن ذهبى
واتمنى انه كلامى وشرحى مفهوم خواتى دمتم بحفظ الرحمن
ما شاء الله عليج
تسلم ايدج
المشاركة الأصلية كتبت بواسطة نيلا 
تسلم ايدج
الله يسلمج
شرات طريقتنا بالضبط بس بدون زعفران