بنات يتني وحدة من فترة وقالت ترى ربيعتج فلانة ترمس شباب وتطلع معاهم وتطرشلهم صورها
انا فخاطري قلت مستحيل ..اكيد هذي تبا تفرق بيني وبين ربيعتي
بس عقب فترة وحدة من ربيعاتي جافتها راكبة مع واحد فالسيارة
ويت خبرتني ..انا حزتها انصدمممممممممممت وقلت مستحيل البنت مؤدبة شو اللي خلاها تمشي فهالطريج
حسبي الله ع اللي دلها ع هالطريج الوصخ
الحين اباكم اتخبروني اسير لها انصحهاا أواخليها
شو اسوي بالضبط
خبروني قبل لا تنغمس فهالطريج وما تقدر تطلع منه
انصحيها مرة مرتين إذا ماسمعت النصيحها طنشيها….
والله يهديهاإنشاءالله
اوووف والله مدري وش اقولك بخذيها معك وكلميها بطريقة هاديه
وفهميها ان الناس ما ترحم اذا انتي سترتيها غيرج ما راح يستر عليها
وانك تبين مصلحتها وهي مثل اختك ما تقدرين تخلينها ف هالطريق ابد
وربي يهديها ان شاء الله
بس لا تسكتين وتتفرجين .. شدي حيلك وكلميها الييوم قبل بكرا
السلام عليكم الغاليه
اول شي انا بصراحه مصدوومه مثل مانتي مصدوومه
اول شي ابدي وياها بالنصيحه بس النصيحه اللي تنسمع مب الجافه.. وطرشيلها مسجات دينيه واذا عندها ايميل طرشيلها قصص واقعيه
بس اهم شي ماتخلين الفاس يطيح بالراس
والله ماعرف شو اقول بس الله يعينج ..واذا ماقدرتي ابتعدي عنها ومايخصج فيها لاتتورطين وياها
اختي اكـــــــــــــيد لازم ترمسينها
مشكورات خواتي ع الردود
وان شاء الله بحاول اكلمها ..احس اني مترددة شوي
لانه حرام تسوي جيه..هي اكبروحدة فخواتها ..واخاف خواتها اللي اصغر عنها يسون شراتها
ويضيعن سمعتهن وشرفهن
انا اقووووووووولج اول شي تاكدي من الرمسه بنفسج.. وعقب فكري في الحل..