هـــــــــلا الغوالي شحالكن
حبوبات عندي استفسار بخصوص عربانة البيبي ,, لانه عندي بنوتي فديتها عمرها ثمان ايام
وهاي الفتره انا عندي وايد مشاوير برع البيت اسواق وغيره وقلت بشتري عربانة اطفال بس مب عارفه اي نوع هو الافضل ف اللي عندها فكره عن هالموضوع تفيدني وتقولي شو هو احسن نوع
ومن وين اقدر اشتريه اهم شي تكون العربانه مريحه للظهر لانه بنوتي بعدها صغيرونه والسموحه ادري موضوعي مش مرتب خخخخ .. اترياكم
في مامز اند بابز وايد عربات حلوه
خطفي و شوفي شو يناسب بنتج والاسعار شوي غاليه
بس مب زين اطلعينها وعمرها 8 ايام مناعتها ضعيفه
والجو ما يساعد وايد حار
احسن لج تخلينها فالبيت وايد اريحلهااااااا
ولا سمح لها تنتقل لها اي امراض لانه مناعتها ضعيفة وايد وبما انها في هالفترة طول الوقت نايمة خليها في البيت مع اي احد من الاهل افضل لانه المجمعات ما شاء الله فيها من كل الاجناس والبلدان
مسكينة توها صغيرة على المشاوير
السلام عليكم
انا مع اختي ( نواري )
اذا عندج حد تخلينه عنده يكون احسن …
اذا ما كان عندج حد خذي لها العربة الي تكون
ولين يكبر الياهل باذن الله..بشتري ثانية
عندي 4 أنواع عربانات في البيت،، وأفضل نوع ماركة ماماز اند باباز و جيجلز في بيبي شوب
أختى اللة يهديج إنتى توج مربية وش تبين إتسيرين مراكز إستريحى فى البيت لين شوي ترتاحين على الأقل 30 يوم وبعدين لاحقة على كل شي ما بطير المراكز وبعدين المشى وايد مب زين عليج لا يستويبج نزول لا سمح اللة هذى نصيحة من أختج