خواتي مثل ما تعرفون ما شي صابون ولا شامبو غير معطر
ما خليت نوع ما شميته كلهم فيهم عطور
ونحن نبا حجتنا تكون كاملة بإذن الله تعالي وما نفوت ولا شي
ما دام لا يجوز للمحرم مس الطيب فالمفروض كلنا نلتزم
الحمدلله ربي هداني إلى صابونة زيت الزيتون بتلقونها في جمعية
الاتحاد التعاونية تنفع لغسل الشعر والجسم وريحتها زيت زيتون
مب خايسة أبد وبتلقينها أربع حبات في كيس طويل من الخيش
ريحتها وايد مقبولة فحبيت أخبركم
وإن شاء الله الدال على الخير كفاعله
ودعواتكم حبيباتي لي بالشفاء وإن الله يتمم لي حجتي ويتقبلها مني
أنا شالة صابون ديتول إلأصلي إللي يكون قطعة مب سائل .. وهذا ريحته مطهر يعني مب عطر
والشامبو من فيتشي ماركة طبية من الصيدلية مافيها عطر
سبحان الله
جزاك الله خير اختي كنت بدور لزوجي وما حصلت بس بسالك اختي هذا الصابون نفسه صابون الوزير؟؟
لا فديتج هذا مب صابون الوزير
أصلا صابون الوزير يغسلون فيه الثياب والمواعين مش للبشرة
الصابون اللي خبرتكم عنه لونه أخضر وموجود في قسم الصوابين ومنتجات العناية في البشرة
في الجمعية ومكتوب عليه صابون للبشرة والشعر من خلاصة زيت الزيتون وريحته زينة
سدر مطحون افضل شي للحج
الله يشفيج والله يتقبل حجة ان شاء الله