بالصور يمي يمي بااااااااااااااااااارد شرى الآيسكريم

السلام عليكم خواتي…

شحالكن…

أنا اليوم قلت بييبلكم طبق حلو خفيف و بسيط… و أحلى ما فيه انه بااااااااااااااارد شرات الآيسكريم … و يا حلاة البارد في الصيف و الحر..

أنا أسويه يوم عدنا ضيوف … و أحيانا أسويه يوم يكون لي مزاج شيء حلو و بارد…

أولا: المقادير:

رمان (كل ما كان أحمر كل ما كان أحلى).. حوالي 5-6 حبات (على حسب حجم الحبة و الكمية اللي تبين تسوينها).

كريمة خفق المراعي السائلة. (500 مل)

عدد 2 من الجلي.. (أنا جربت عدة أنواع لقيت أن العلالي / و رويال حلوين و خفاف في الطعم)

مقدار 1 كوب من السكر

عدد 1 علبة من قشطة المراعي (بعد لأنها خفيفة و أحلى من نستلة)

الطريقة:

(((1)))
في البداية … نسوي الجلي .. و ذلك باتباع الارشادات على العلبة… و أنا بسهل عليكن الموضوع و بخبركن كيف تسوونه.

تيبيين 2 كوب ماء تسخنينهم.. و بعدين ترفعين الجدر عن النار و تضيفين الجلي و تحركين لحد ما تشوفين ان الجلي ذاب بالمرة… بعد ذوبان الجلي في الماء الساخن نضيف مقدار 2 كوب ماء باردين. و تحركين شوي و بعدين تحطين الجلي على جنب. (ملاااااحظة: أنا حطيت 4 أكواب ماء—لأن كل علبة من الجلي تاخذ 2—- و أنا استخدمت 2 علبة جلي).

(((2)))

ثانيا: تسوين الكريمة و بكون كالتالي:

تضيفين الكريمة + السكر في الخفاقة.
و تخفقين و تخفقين حوالي 6 دقائق (على أقصى تقدير)

و لحد ما توصلين للتالي:

((((3))))

ثالثا: تحطين القشطة كما في الصورة و تخلطين بملعقة (اخلطي بنعومة و شوي شوي عشان ما تخترب الكريمة)

((((4))))

رابعا: في كاسات زجاجية أو ملات زجاجية (و أحسن شيء تكون شفافة عشان تبين طبقات الرمان و الجلي و الكريمة)…

في القاع تحطين الرمان

بعدين حوالي ملعقة طعام مليانة كريمة أو حسب الرغبة (لأن في ناس ما يتحملون الكريمة حتى لو كانت خفيفة)…

مثل الصورة

(((5)))

خامسا: تحطين الجلي … صبي الجلي من مغرفة… أحسن..

و حاولي تحطين في النص… و بتلاحظين أن الجلي ينزل تحت و الكريمة ترتفع… و بتستوي علامات مثل الرخام على سطح الكريمة.. كما في الصورة…

اسمحولي على عدم ترتيب الكاسات .. كنت مستعيلة … و لازم أخلص خخخخخخخخخخخخ

تحطونه في الثلاجة فترة كافية يجمد فيها الجلي و تبرد الكريمة على الآخر… و بعدين هم هم هم هم .. جد بيعجبكن

و بالعافية….